பாரிஸ் ஒலிம்பிக் போட்டியில் வாள்வீச்சு பிரிவில் எகிப்தை சேர்ந்த நடா ஹபிஸ் என்ற வீராங்கனை 7 மாத கர்ப்பிணியாக பங்கேற்று இருக்கும் சம்பவம் அனைவரின் கவனத்தையும் ஈர்த்து உள்ளது.
எகிப்து நாட்டை சேர்ந்த 26 வயதான நடா ஹபீஸ் தற்போது ஏழு மாத கர்ப்பிணியாக பாரிஸ் ஒலிம்பிக் போட்டியில் பங்கேற்றுள்ளார்.
முதல் சுற்றில் நடா ஹபீஸ் அமெரிக்க வீராங்கனை எலிசபத்தை 15 க்கு 13 என்ற கணக்கில் வீழ்த்தி காலிறுதிக்கு தகுதி பெற்றார். அடுத்த சுற்றில் தென் கொரியாவின் ஜியோனை எதிர்கொண்ட அவர் தோல்வியை தழுவி தொடரிலிருந்து வெளியேறினார்.
இது குறித்து கருத்து தெரிவித்துள்ள நடா ஹபீஸ், “போட்டிக் களத்தில் இரண்டு பேர் இருப்பதாக உங்களுக்குத் தோன்றலாம். ஆனால், உண்மையில் இங்கிருப்பது மூன்று பேர். ஆம்… நான், என்னுடைய போட்டியாளர் மற்றும் இன்னும் உலகிற்கு வராத என்னுடைய குழந்தை”
நானும் என் குழந்தையும் பல சவால்களை சந்தித்து இந்த போட்டியில் பங்கேற்று இருக்கின்றோம். உணர்வுபூர்வமாகவும் உடல் ரீதியாகவும் பல சவால்களை இந்த தொடரில் நான் சந்தித்தேன் என்று நடா ஹபீஸ் கூறியுள்ளார். கர்ப்பிணியாக இருக்கும் போது பல விஷயங்களைக் கடந்து வர வேண்டும்.
இந்த விளையாட்டு மிகவும் கடினமானதாக இருந்தாலும் மதிப்பு மிக்கது. கர்ப்பிணி பெண்ணாக கால் இறுதிக்கு முந்தைய சுற்றுக்கு வரை தகுதி பெற்றிருப்பதை நினைத்து நான் மகிழ்ச்சி கொள்கின்றேன் என்று நடா கூறியுள்ளார். ஏற்கனவே 2016 ரியோ ஒலிம்பிக் 2020 டோக்கியோ ஒலிம்பிக்கிலும் பங்கேற்று இருக்கிறார். தாம் கர்ப்பிணியாக விளையாட தமது கணவர் முழு ஆதரவை வழங்கியதாகவும் அவர் வைத்த நம்பிக்கையால் தான் இந்த அளவிற்கு என்னால் வர முடிந்தது என்றும் நடா ஹபீஸ் தனது இன்ஸ்டாகிராம் பக்கத்தில் தெரிவித்துள்ளார்.