வேல்ஸ் ஃபிலிம் இன்டர்நேஷனல் நிறுவனம் தமிழ் சினிமாவில் முன்னணி தயாரிப்பு நிறுவனங்களில் ஒன்றாகும். இந்நிறுவனத்தின் உரிமையாளர் ஐசரி கே கணேஷ் ஆவார். இவர் பல பெரிய படங்களை தனது நிறுவனத்தின் சார்பில் தயாரித்து வருகிறார். 
அந்த வகையில் வேல்ஸ் நிறுவனத்தின் தயாரிப்பில் உருவாகியுள்ள சுமோ திரைப்படம் இந்த மாதம் (அக்டோபர்) திரைக்கு வர இருக்கிறது. அடுத்தது ஜெயம் ரவியின் ஜீனி போன்ற பல படங்களும் ரிலீஸுக்கு தயாராகி வருகின்றன. மேலும் சுந்தர் சி நயன்தாரா கூட்டணியில் உருவாக உள்ள மூக்குத்தி அம்மன் 2 திரைப்படத்தின் வேல்ஸ் நிறுவனம் தான் தயாரிக்கிறது என்பது குறிப்பிடத்தக்கது.
இந்நிலையில் இந்நிறுவனம் புதிய அறிவிப்பு ஒன்றை வெளியிட்டுள்ளது. அந்த அறிவிப்பில் நிறுவனம் தயாரிக்கும் புதிய படத்தின் டைட்டில் மற்றும் ஃபர்ஸ்ட் லுக் நாளை (அக்டோபர் 7) மாலை 6 மணி அளவில் வெளியாகும் என்று தெரிவிக்கப்பட்டுள்ளது.
மேலும் அதில் இந்த படமானது தமிழ், தெலுங்கு, ஹிந்தி உள்ளிட்ட மொழிகளில் உருவாகும் என்பதும் குறிப்பிடப்பட்டுள்ளது. ஆகையினால் இந்த படம் என்ன படமாக இருக்கும் என்றும் படத்தின் இயக்குனர் யார்? ஹீரோ யார்? என்பது போன்ற சந்தேகங்கள் எழுந்துள்ள நிலையில் ரசிகர்கள் பலரும் சமூக வலைதளங்களில் விவாதித்து வருகின்றனர். அதன்படி இது தொடர்பான புதிய தகவல் தற்போது வெளிவந்துள்ளது. 
அதாவது இந்த படத்தில் ஜீவா மற்றும் அர்ஜுன் ஆகிய இருவரும் முன்னணி கதாபாத்திரங்களை நடிக்க இருப்பதாகவும் இந்த படத்தினை பா. விஜய் இயக்குவதாகவும் சொல்லப்படுகிறது. அதே சமயம் இந்த படத்திற்கு மேதாவி என்ற தலைப்பு வைக்கப்பட்டுள்ளதாக தெரியவந்துள்ளது. இருப்பினும் இந்த படத்தின் பர்ஸ்ட் லுக் மற்றும் டைட்டிலுக்காக நாளை வரை காத்திருக்க வேண்டும்.