விடுதலை 2 திரைப்படத்தின் டப்பிங் பணிகள் தொடங்கப்பட்டுள்ளன.
இயக்குனர் வெற்றிமாறன் தமிழ் சினிமாவில் முக்கியமான இயக்குனர்களில் ஒருவர் ஆவார். இவர் கடந்த 2023 ஆம் ஆண்டு விஜய் சேதுபதி, சூரி ஆகியோரின் நடிப்பில் விடுதலை பாகம் 1 திரைப்படத்தை இயக்கியிருந்தார். 
இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் வெற்றி பெற்றது. அதைத்தொடர்ந்து வெற்றிமாறன், விடுதலை படத்தின் இரண்டாம் பாகத்தை இயக்கி வருகிறார். இந்த படத்தில் விஜய் சேதுபதி மற்றும் சூரி தவிர மஞ்சு வாரியர், அட்டகத்தி தினேஷ் உள்ளிட்டோரும் முக்கிய கதாபாத்திரங்களில் நடிக்கின்றனர். 
இந்த படத்தினை வெற்றிமாறனின் கிராஸ் ரூட் பிலிம் கம்பெனி நிறுவனம் தயாரித்து வருகிறது. இசைஞானி இளையராஜா இதற்கு இசை அமைக்கிறார். ஏற்கனவே இந்த படத்தின் படப்பிடிப்புகள் தொடங்கப்பட்டு கடந்த சில மாதங்களாகவே மிகத் தீவிரமாக நடைபெற்று வருகிறது.
அதேசமயம் இந்த படத்தின் அடுத்த அடுத்த போஸ்டர்களையும் பட குழு வெளியிட்டிருந்தது. மேலும் இந்த படம் இந்த ஆண்டு டிசம்பர் மாதம் 20ஆம் தேதி வெளியாகும் என படக்குழுவினர் சார்பில் ஏற்கனவே அறிவிக்கப்பட்டுள்ளது.
இந்நிலையில் இந்த படத்தின் டப்பிங் பணிகள் பூஜையுடன் தொடங்கப்பட்டுள்ளன. அதன்படி விஜய் சேதுபதி மற்றும் சூரி ஆகியோர் தங்களின் டப்பிங் பணிகளை தொடங்கியுள்ளனர். இது தொடர்பான புகைப்படங்கள் இணையத்தில் வைரலாகி வருகிறது.