நடிகை திரிஷா தமிழ் சினிமாவின் உச்ச நட்சத்திரமாக வலம் வருபவர். இவர் ஆரம்பத்தில் பிரசாந்த், சிம்ரன் நடிப்பில் வெளியான ஜோடி திரைப்படத்தில் சிம்ரனுக்கு தோழியாக நடித்ததன் மூலம் திரைத்துறையில் காலடி எடுத்து வைத்தார்.
அதைத்தொடர்ந்து மௌனம் பேசியதே, சாமி, கில்லி உள்ளிட்ட படங்களின் மூலம் ரசிகர்கள் மனதில் இடம் பிடித்தார். தொடர்ந்து கமல், ரஜினி, ஜெயம் ரவி, அஜித், சூர்யா, விஜய் என பல முன்னணி நடிகர்களுடன் இணைந்து நடித்து தனக்கென தனி ஒரு அடையாளத்தை உருவாக்கிக்கொண்டார். இருப்பினும் சில காலங்கள் பெரிய அளவில் இவருக்கு மார்க்கெட் கிடைக்கவில்லை.
ஆனால் மணிரத்னம் இயக்கத்தில் வெளியான பொன்னியின் செல்வன் படத்திற்கு பிறகு தனது ஸ்டார் அந்தஸ்தை திரும்ப பெற்றுள்ளார் திரிஷா. எனவே மீண்டும் அஜித், விஜய் என பல பெரிய ஹீரோக்களுடன் இணைந்து நடித்து பிசியான நடிகையாக மாறி இருக்கிறார். 
அந்த வகையில் விடாமுயற்சி, குட் பேட் அக்லி போன்ற படங்களை கைவசம் வைத்துள்ளார். இதற்கிடையில் பிருந்தா எனும் வெப் தொடரிலும் நடித்து பெயர் பெற்றுள்ளார். மேலும் நடிகை திரிஷா தமிழில் மட்டுமல்லாமல் தெலுங்கு, மலையாளம் உள்ளிட்ட மொழி படங்களிலும் பணியாற்றி வருகிறார். 
கடைசியாக இவர், விஜய் நடிப்பில் வெளியான கோட் படத்தில் மட்ட பாடலுக்கு நடனமாடி ட்ரெண்டிங்கில் இருந்து வருகிறார். இந்நிலையில் நடிகை திரிஷா தனது தோழிகளுடன் ஜாலியாக சுற்றுலா சென்றுள்ளார்.
இது தொடர்பான புகைப்படங்களையும் வீடியோக்களையும் தனது இன்ஸ்டாகிராம் பக்கத்தில் வெளியிட்டுள்ளார். திரிஷாவின் இந்த சுற்றுலா பயணத்தில் தயாரிப்பாளர் அர்ச்சனா கல்பாத்தியும் உடன் சென்றுள்ளார் என்பது குறிப்பிடத்தக்கது.