விஜய் நடிப்பில் கடைசியாக கோட் திரைப்படம் வெளியானது. இந்த படம் ரசிகர்கள் மத்தியில் நல்ல வரவேற்பை பெற்று கிட்டத்தட்ட 430 கோடிக்கும் அதிகமாக வசூல் செய்தது. 
அடுத்ததாக நடிகர் விஜய், தனது 69 ஆவது திரைப்படத்தில் நடித்து வருகிற. இந்த படத்திற்கு தளபதி 69 என்று தற்காலிகமாக தலைப்பு வைக்கப்பட்டுள்ளது. இதனை ஹெச். வினோத் இயக்குகிறார். கே வி என் ப்ரொடக்ஷன்ஸ் நிறுவனம் இந்த படத்தை தயாரிக்கிறது. அனிருத்தி இதற்கு இசை அமைக்கிறார். இந்த படத்தில் விஜய்க்கு ஜோடியாக பூஜா ஹெக்டே நடிக்கிறார். மேலும் பிரகாஷ்ராஜ், கௌதம் வாசுதேவ் மேனன், மமிதாபைஜு, பிரியாமணி, பாபி தியோல், நரேன் உள்ளிட்ட பலரும் முக்கிய கதாபாத்திரங்களில் நடிப்பதற்கு ஒப்பந்தமாகியுள்ளனர். இந்த படத்தின் படப்பிடிப்பு கடந்த சில தினங்களுக்கு முன்னர் தொடங்கப்பட்டது. அதன்படி பிரம்மாண்ட பாடல் காட்சியும் படமாக்கப்பட்டுள்ளது. 
அதாவது ஐந்து நாட்களில் இந்த பாடல் படமாக்க திட்டமிடப்பட்டிருந்த நிலையில் தற்போது நான்கு நாட்களிலேயே படமாக்கப்பட்டுள்ளதாக தகவல் வெளியாகி வருகிறது. இவ்வாறு முதற்கட்ட படப்பிடிப்புகள் நிறைவடைந்த நிலையில் இதைத் தொடர்ந்து இரண்டாம் கட்ட படப்பிடிப்பு இந்த மாத தொடக்கத்தில் ஐதராபாத்தில் நடத்த திட்டமிடப்பட்டிருந்தது. ஆனால் இந்த இரண்டாம் கட்ட படப்பிடிப்பு ஒரு சில காரணங்களால் தள்ளிவைக்கப்பட்டுள்ளது. விரைவில் இது தொடர்பான அப்டேட் வெளியாகும் என்று நம்பப்படுகிறது.