கவின் மற்றும் நயன்தாரா நடிக்கும் புதிய படத்தின் டைட்டில் குறித்த அப்டேட் வெளியாகியுள்ளது.
நடிகர் கவின் கடைசியாக ஸ்டார் எனும் திரைப்படத்தில் நடித்திருந்தார். இந்த படம் ரசிகர்கள் மத்தியில் கலவையான விமர்சனங்களை பெற்றது. அதைத் தொடர்ந்து நடிகர் கவின், மாஸ்க் போன்ற பல படங்களில் கமிட்டாகி நடித்து வருகிறார். அதே சமயம் இவரது நடிப்பில் உருவாகி இருக்கும் ப்ளடி பெக்கர் திரைப்படம் வருகின்ற தீபாவளி தினத்தன்று அக்டோபர் 31ஆம் நாளில் திரைக்கு வர முழு வீச்சில் தயாராகி வருகிறது. அடுத்ததாக கவின், விஷ்ணு எடாவன் இயக்கத்தில் புதிய படம் ஒன்றில் நடித்து வருகிறார். இந்த படத்தில் கவினுக்கு ஜோடியாக நடிகை நயன்தாரா நடிக்கிறார். மேலும் இந்த படத்தில் நடிகர் பிரபு, பாக்யராஜ், பூர்ணிமா பாக்யராஜ், ராதிகா சரத்குமார் உள்ளிட்ட பலரும் நடித்து வருவதாக ஏற்கனவே தகவல்கள் வெளியானது. அடுத்தது இந்த படம் ரொமான்டிக் காதல் கதை படத்தில் உருவாகி வரும் நிலையில் இந்த படத்தின் படப்பிடிப்புகள் ஏற்கனவே தொடங்கப்பட்ட விறுவிறுப்பாக நடைபெற்று வருகின்றன. 
இந்த நிலையில் இந்த படத்தின் டைட்டில் குறித்த தகவல் வெளியாகியுள்ளது. அதன்படி இந்த படத்திற்கு ஹாய் என்று தலைப்பு வைக்கப்பட்டுள்ளதாக சொல்லப்படுகிறது. ஏற்கனவே இந்த படத்தின் படப்பிடிப்பு தொடங்கியதை அறிவித்த் படக்குழுவினர்களும் தங்களின் சமூக வலைதள பக்கத்தில் hi என்று குறிப்பிட்டு தான் படப்பிடிப்பு தொடர்பான புகைப்படங்களை வெளியிட்டிருந்தனர். எனவே இது தான் கவின்- நயன்தாரா நடிக்கும் புதிய படத்தின் டைட்டில் என்பது தெரிய வந்துள்ளது. விரைவில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.