எம்புரான் படத்தின் ரிலீஸ் தேதி அறிவிக்கப்பட்டுள்ளது.
கடந்த 2019 ஆம் ஆண்டு பிரித்விராஜ் இயக்கத்தில் லூசிபர் எனும் திரைப்படம் வெளியானது. 
இந்த படத்தில் மோகன் லால், மஞ்சு வாரியர், டோவினோ தாமஸ், விவேக் ஓபராய் உள்ளிட்ட பலரும் முக்கிய கதாபாத்திரங்களில் நடித்திருந்தனர். இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் வெற்றி பெற்றது. அதன்படி கிட்டத்தட்ட 200 கோடிக்கும் அதிகமாக வசூல் செய்து சூப்பர் டூப்பர் ஹிட் அடித்தது. இந்நிலையில் இந்த படத்தின் இரண்டாம் பாகம் தற்போது உருவாகி வருகிறது. இதற்கு லூசிபர் 2 – எம்புரான் என்று தலைப்பு வைக்கப்பட்டுள்ளது. இதனை லைக்கா நிறுவனமும் ஆசிர்வாத் சினிமாஸ் நிறுவனமும் இணைந்து தயாரிக்கிறது. இந்த படத்திற்கு தீபக் தேவ் இசையமைக்க சுஜித் வாசுதேவ் இதன் ஒளிப்பதிவு பணிகளை கவனிக்கிறார். இந்த படத்தின் படப்பிடிப்புகள் கடந்த சில மாதங்களுக்கு முன்பாகவே அமெரிக்கா, ஐதராபாத், துபாய், திருவனந்தபுரம் போன்ற பகுதிகளில் விறுவிறுப்பாக நடைபெற்று வருகிறது. 
கிட்டத்தட்ட இறுதிக்கட்டத்தை நெருங்கி உள்ளதாக சொல்லப்படும் இந்த படத்தின் படப்பிடிப்புகள் விரைவில் முடிவடைந்து என நம்பப்படுகிறது. இந்நிலையில் இந்த படத்தின் ரிலீஸ் தேதியை படக்குழு அதிகாரப்பூர்வமாக அறிவித்துள்ளது. அதன்படி 2025 மார்ச் மாதம் 27ஆம் தேதி எம்புரான் திரைப்படம் தமிழ், தெலுங்கு, மலையாளம், கன்னடம், இந்தி உள்ளிட்ட மொழிகளில் உலகம் முழுவதும் வெளியாகும் என அறிவிக்கப்பட்டுள்ளது.