நடிகர் மாதவன், கார்த்திக் சுப்பராஜ் தயாரிக்கும் புதிய படம் ஒன்றில் நடிக்கப்போவதாக தகவல் வெளியாகி இருக்கிறது.
நடிகர் மாதவன் தென்னிந்திய சினிமாவில் ஒரு நடிகராகவும் இயக்குனராகவும் வலம் வருகிறார். இவர் கடைசியாக இந்தி மொழியில் வெளியான சைத்தான் எனும் திரைப்படத்தில் வில்லனாக நடித்திருந்தார். இந்த படம் வசூல் ரீதியாகவும் விமர்சன ரீதியாகவும் வெற்றி பெற்றது. அதைத்தொடர்ந்து தமிழில் டெஸ்ட், அதிர்ஷ்டசாலி போன்ற படங்களை கைவசம் வைத்துள்ளார். அதேசமயம் கங்கனா ரனாவத்துடன் இணைந்து புதிய படம் ஒன்றில் நடித்து வருகிறார் மாதவன். இந்நிலையில் இவர், மேலும் ஒரு புதிய படத்தில் கமிட் ஆகியுள்ளாராம். இந்த படத்தினை பீட்சா, பேட்ட, ஜிகர்தண்டா டபுள் எக்ஸ் போன்ற படங்களை இயக்கிய கார்த்திக் சுப்பராஜ் தனது ஸ்டோன் பெஞ்ச் நிறுவனத்தின் மூலம் தயாரிக்கிறாராம். அடுத்தது இந்த படத்தை சாருகேஷ் சேகர் இயக்க இருக்கிறாராம். அதாவது சாருகேஷ் சேகர் என்பவர் கடந்த 2020 ஆம் ஆண்டு ஜெய், வாணி போஜன் ஆகியோரின் நடிப்பில் வெளியான ட்ரிப்பிள்ஸ் என்ற வெப் தொடரை இயக்கியவர் என்பது குறிப்பிடத்தக்கது. இவர் அடுத்ததாக மாதவனை இயக்க உள்ளார்.
இவர்களின் கூட்டணியில் உருவாகும் புதிய படமானது இந்த மாதம் இலங்கையில் தொடங்க இருப்பதாக புதிய தகவல்கள் தெரிவிக்கின்றன. மேலும் இந்த படத்தில் நடிக்க கதாநாயகியை தேடி வருவதாக சொல்லப்படுகிறது. இருப்பினும் விரைவில் படம் தொடர்பான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.