அஜித் நடிப்பில் கடைசியாக துணிவு திரைப்படம் வெளியானது. அதைத்தொடர்ந்து அஜித், விடாமுயற்சி எனும் திரைப்படத்தில் நடித்திருக்கிறார். இந்த படத்தினை மகிழ் திருமேனி இயக்கியிருக்கிறார். 
அதே சமயம் நடிகர் அஜித், ஆதிக் ரவிச்சந்திரன் இயக்கத்தில் குட் பேட் அக்லி எனும் திரைப்படத்தில் நடித்து வருகிறார். இந்த படத்தினை மைத்ரி மூவி மேக்கர்ஸ் நிறுவனம் தயாரிக்க தேவி ஸ்ரீ பிரசாத் இதற்கு இசையமைக்கிறார். இந்த படத்தில் அஜித்துடன் இணைந்து திரிஷா, பிரபு, சுனில், பிரசன்னா, அர்ஜுன் தாஸ், யோகி பாபு ஆகியோர் முக்கிய கதாபாத்திரங்களில் நடித்து வருகின்றனர். ஏற்கனவே இந்த படத்தின் படப்பிடிப்புகள் தொடங்கப்பட்டு ஐதராபாத், ஸ்பெயின் போன்ற பகுதிகளில் விறுவிறுப்பாக நடைபெற்று வருகிறது. மேலும் இந்த படம் தொடர்பான அறிவிப்பு வெளியான போதே இப்படம் 2025 பொங்கல் தினத்தை முன்னிட்டு திரைக்கு வரும் என அறிவிக்கப்பட்டது. ஆனால் அதன் பின்னர் அஜித்தின் விடாமுயற்சி திரைப்படம் பொங்கலுக்கு வெளியாகும் எனவும் குட் பேட் அக்லி திரைப்படம் அடுத்த ஆண்டு மே 1ஆம் தேதி அஜித்தின் பிறந்த நாளை முன்னிட்டு வெளியாகும் எனவும் செய்திகள் வெளிவந்தது. 
அதுமட்டுமில்லாமல் ராம்சரணனின் கேம் சேஞ்சர் திரைப்படம் 2025 ஜனவரி 10 இல் வெளியாகும் காரணத்தால் அஜித்தின் இரண்டு படங்களுமே தள்ளிப் போவதாகவும் சொல்லப்பட்டது. இந்நிலையில் தற்போது கிடைத்த தகவல் என்னவென்றால், குட் பேட் அக்லி படக்குழுவினர் படத்தை பொங்கலுக்கு கொண்டு வர மிகத் தீவிரமாக பணியாற்றி வருகிறார்கள் என்று தற்போதைய தகவல்கள் தெரிவிக்கின்றன. இந்த தகவல் அஜித் ரசிகர்களுக்கு பெரும் உற்சாகத்தை தந்துள்ளது.