தென்கிழக்கு வங்கக்கடல் பகுதிகளில் புதிய காற்றழுத்த தாழ்வு பகுதி உருவாகியுள்ளதாக இந்திய வானிலை ஆய்வு மையம் அறிவித்துள்ளது.
இந்திய வானிலை ஆய்வு மையம் வெளியிட்டுள்ள அறிவிப்பில், தென்கிழக்கு வங்கக்கடல் பகுதிகளில் புதிய காற்றழுத்த தாழ்வு பகுதி உருவாகியுள்ளதாகவும், இது மேற்கு -வடமேற்கு திசையில் நகர்ந்து, அதற்கடுத்த 2 தினங்களில் தெற்கு வங்கக் கடலின் மத்திய பகுதிகளில் காற்றழுத்த தாழ்வு மண்டலமாக வலுப்பெறக்கூடும் என்றும் குறிப்பிட்டுள்ளது. மேலும், புதிய காற்றழுத்த தாழ்வு பகுதி தமிழகம் மற்றும் இலங்கையை நோக்கி நகரும் என்றும் வானிலை மையம் தெரிவித்துள்ளது.
இதன் காரணமாக தமிழ்நாட்டில் வரும் 25-ம் தேதி முதல் 4 நாட்களுக்கு மிக கனமழை பெய்யக்கூடும் என்று வானிலை மையம் ஆரஞ்சு நிற எச்சரிக்கை விடுத்துள்ளது. அதன்படி நவம்பர் 25-ல் கடலூர், மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை, ராமநாதபுரம் ஆகிய மாவட்டங்களில் கனமழைக்கு வாய்ப்பு உள்ளது.
நவம்பர் 27-ல் சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை, திருவண்ணாமலை, கள்ளக்குறிச்சி, பெரம்பலூர், அரியலூர், தஞ்சாவூர் ஆகிய மாவட்டங்களில் கனமழை பெய்யும் என்றும் வானிலை மையம் தெரிவித்துள்ளது.