சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.800 குறைந்து, ரூ.57,600-க்கு விற்பனை செய்யப்படுகிறது.
சென்னையில் கடந்த வாரம் ஆபரணத் தங்கத்தின் விலை தொடர்ந்து அதிகரித்து வந்தது. கடந்த நவம்பர் 17ஆம் தேதி சவரன் ரூ.55,480-க்கு விற்பனையான நிலையில், பின்னர் தங்கத்தின் விலை தொடர்ந்து உயர்ந்து வந்தது. குறிப்பாக கடந்த 6 நாட்களில் மட்டும் ரூ. 2,920 அதிகரித்து நேற்று ரூ.58,400-க்கு விற்னையானது. தங்கம் விலை உயர்வால் நடுத்தர மற்றும் ஏழை மக்கள் தங்கம் வாங்க முடியாத நிலை ஏற்பட்டது. இந்த நிலையில், சற்றே ஆறுதல் தரும் விதமாக இன்று தங்கம் விலை சவரணுக்கு ரூ.800 குறைந்துள்ளது.
சென்னையில் இன்று 22 கேரட் ஆபரணத்தங்கம் விலை சவரனுக்கு ரூ.800 குறைந்து, ரூ.57,600-க்கு விற்பனை செய்யப்படுகிறது. ஆபரணத்தங்கம் கிராமுக்கு ரூ.100 குறைந்து ஒரு கிராம் தங்கம் ரூ.7,200-க்கு விற்பனையாகிறது. சில்லறை வர்த்தகத்தில் வெள்ளி விலை தொடர்ந்து 7வது நாளாக மாற்றம் இன்றி ஒரு கிராம் ரூ.101க்கு விற்பனையாகிறது. பார் வெள்ளி கிலோவுக்கு ரூ.1,01,000-க்கு வர்த்தகமாகிறது.