இடைத்தேர்தல் நடைபெறும் ஈரோடு கிழக்கு தொகுதியில், திமுக வேட்பாளர் வி.சி.சந்திரகுமாரை ஆதரித்து அமைச்சர் முத்துசாமி மற்றும் கூட்டணி கட்சியினர் வீதி வீதியாக சென்று மக்களை சந்தித்து ஆதரவு திரட்டி வருகின்றனர்..
பிப்ரவரி 5.ம் தேதி இடைத்தேர்தல் நடைபெறும் ஈரோடு கிழக்கு தொகுதியில் திமுக சார்பில் வி.சி.சந்திரகுமார் நாதக சார்பில் சீதாலட்சுமி மற்றும் சுயேட்சைகள் உட்பட 46 வேட்பாளர்கள் போட்டியிடுகின்றனர்.
திமுக வேட்பாளர் சந்திரகுமாரை ஆதரித்து ஈரோடு மாநகராட்சியின் ஒவ்வொரு வார்டாக நடந்து சென்று பிரச்சாரம் செய்து வரும் அமைச்சர் முத்துசாமி, 42,43.வது வார்டுக்குட்பட்ட வளையகார வீதி, ஜெயராம் வீதி, அக்ரஹார வீதி, பெரியார் வீதி, கம்பர் வீதி, மொய்தீன் வீதி, கச்சேரி சாலை, மண்டபசாலை, குயவன் திட்டு, மரப்பாலம் சாலை உள்ளிட்ட பகுதிகளில் தீவிர பரப்புரை மேற்கொண்டார். வழிநெடுகிலும் பொதுமக்கள் ஆரத்தி எடுத்தும் சால்வை அணிவித்தும் வரவேற்பளித்தனர்..
பிரச்சாரத்தின் போது செய்தியாளர்களிடம் பேசிய அமைச்சர் முத்துசாமி, நான் முதல்வன்,விடியல் பயணத்திட்டம் ,புதுமைப்பெண் திட்டம், தமிழ் புதல்வன் திட்டம், கலைஞர் மகளிர் உரிமைத் தொகை ,மக்களை தேடி மருத்துவம் நம்மை காக்கும் 48, காலை உணவு திட்டம் ,உயர்கல்வி பயிலும் அரசு பள்ளி மாணவர்களுக்கு 7.5% இட ஒதுக்கீடு போன்ற எண்ணற்ற திட்டங்கள் மக்களிடம் நல்ல முறையில் சென்றடைந்திருப்பதால், அதனால் பிரச்சார களத்தில் மக்கள் உற்சாக வரவேற்பளிப்பதாகவும் கூறினார்.
ஈரோடு கிழக்கு தொகுதிக்குட்பட்ட 33 வார்டுகளில் இதுவரை 22 வார்டுகளில் நடந்து சென்று மக்களை சந்தித்து வாக்கு சேகரித்துள்ளதாகவும், பிரச்சாரத்திற்காக மட்டுமல்ல பொதுமக்களின் பிரச்சினைகளையும் தெரிந்து கொள்ள இது வாய்ப்பாக இருப்பதாகவும், தேர்தல் முடிந்த பிறகு அதிகாரிகளுடன் கலந்து பேசி தொகுதியில் உள்ள பிரச்சனைகள் தீர்க்கப்படும் என கூறினார். சீமான் குறித்த கேள்விக்கு தேர்தல் களத்தில் பதிலளிக்க முடியாது என கூறிய அவர், தந்தை பெரியார் குறித்தும் அவர் செய்த சமூக தொண்டு குறித்தும் உலகமே அறியும் என பதிலளித்தார்..
’சீமான் சொல்வதெல்லாம் பச்சைப் பொய்…’ புட்டுப்புட்டு வைத்த பிரபாகரனின் அண்ணன் மகன்..!