கவின் நடிக்கும் புதிய படத்தின் டைட்டில் வெளியாகியுள்ளது.
நடிகர் கவின் கடந்த 2023 ஆம் ஆண்டு வெளியான டாடா படத்தின் மாபெரும் வெற்றிக்கு பிறகு தொடர்ந்து பல படங்களில் பிசியாக நடித்து வருகிறார். அதன்படி கடந்த ஆண்டு இவரது நடிப்பில் ஸ்டார், ப்ளடி பெக்கர் ஆகிய படங்கள் வெளியாகின. அதேசமயம் இவர், மாஸ்க் என்ற படத்திலும் ஹாய் என்ற படத்திலும் நடித்து வருகிறார். இதற்கிடையில் இவர் நடன இயக்குனர் சதீஷ் கிருஷ்ணன் இயக்கத்தில் புதிய படம் ஒன்றில் நடித்திருக்கிறார். இந்த படத்தில் கவினுக்கு ஜோடியாக அயோத்தி பட நடிகை ப்ரீத்தி அஸ்ரானி நடித்துள்ளார். இப்படத்தை ரோமியோ பிக்சர்ஸ் நிறுவனம் தயாரிக்க ஜென் மார்ட்டின் இதற்கு இசையமைத்துள்ளார். ஹரிஷ் கண்ணன் இந்த படத்தின் ஒளிப்பதிவு பணிகளை கவனிக்கிறார்.
காதல் சம்பந்தமான கதைக்களத்தில் உருவாகும் இந்த படத்தின் படப்பிடிப்புகள் ஏற்கனவே தொடங்கப்பட்டு விறுவிறுப்பாக நடைபெற்று முடிந்துள்ளது. இந்நிலையில் இந்த படத்தின் டைட்டிலை படக்குழு வெளியிட்டுள்ளது. ஏற்கனவே வெளியான தகவலின் படி இந்த படத்திற்கு கிஸ் என்று தலைப்பு வைக்கப்பட்டிருக்கிறது. அத்துடன் படக்குழு போஸ்டரையும் வெளியிட்டுள்ளது. அந்த போஸ்டரில் இந்த படத்தின் டீசர் வருகின்ற பிப்ரவரி 14-ஆம் தேதி வெளியாகும் என தெரிவிக்கப்பட்டுள்ளது. அடுத்தது இப்படமானது தமிழ், இந்தி, தெலுங்கு உள்ளிட்ட மொழிகளில் வெளியாகும் எனவும் அந்த போஸ்டரில் குறிப்பிடப்பட்டுள்ளது. இந்த போஸ்டரும் ரசிகர்கள் மத்தியில் கவனம் பெற்று வைரலாகி வருகிறது.