குபேரா படத்தின் ரிலீஸ் தேதி அறிவிக்கப்பட்டுள்ளது.
தனுஷ் நடிப்பில் தற்போது இட்லி கடை எனும் திரைப்படம் உருவாகி வருகிறது. இந்த படம் 2025 ஏப்ரல் 10 அன்று திரைக்கு வர தயாராகி வருகிறது. அதேசமயம் தனுஷ், ஆனந்த் எல் ராய் இயக்கத்தில் தேரே இஷ்க் மெய்ன் எனும் திரைப்படத்தில் நடித்து வருகிறார். இதற்கிடையில் இவர், தெலுங்கு இயக்குனர் சேகர் கம்முலா இயக்கத்தில் குபேரா எனும் திரைப்படத்திலும் நடித்திருக்கிறார். இந்த படத்தில் தனுஷுடன் இணைந்து நாகார்ஜுனா, ராஷ்மிகா மந்தனா ஆகியோர் முக்கிய கதாபாத்திரங்களில் நடித்திருக்கின்றனர். இந்த படத்தை ஸ்ரீ வெங்கடேஸ்வரா சினிமாஸ் நிறுவனம் தயாரிக்க தேவி ஸ்ரீ பிரசாத் இந்த படத்திற்கு இசையமைக்கிறார். இப்படமானது அரசியல் திரில்லர் ஜானரில் உருவாகி வருவதாக ஏற்கனவே தகவல் வெளியானது. அதேசமயம் நடிகர் தனுஷும் இந்த படத்தில் வித்தியாசமான தோற்றத்தில் நடித்திருக்கிறார். 
அடுத்தது இந்த படமானது மும்பை தாராவியை மையமாக வைத்து எடுக்கப்படுவதாகவும் சொல்லப்படுகிறது. இந்த படத்தின் மீதான எதிர்பார்ப்பு மிகப்பெரிய அளவில் இருக்கும் நிலையில் கடந்த சில மாதங்களுக்கு முன்னர் இந்த படத்தில் இருந்து கிளிம்ப்ஸ் வீடியோ வெளியாகி நல்ல வரவேற்பை பெற்றது. இந்நிலையில் இந்த படம் 2025 ஜூன் மாதம் 20ஆம் தேதி திரைக்கு வரும் என படக்குழு புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளது. எனவே இனிவரும் நாட்களில் இந்த படத்தின் டீசர் போன்ற மற்ற அப்டேட்டுகள் வெளியாகும் என நம்பப்படுகிறது.