குட் பேட் அக்லி படத்தின் முதல் பாடல் ரிலீஸ் குறித்த தகவல் வெளியாகியுள்ளது.
அஜித்தின் 63வது படமாக உருவாகி இருக்கும் திரைப்படம் தான் குட் பேட் அக்லி. இந்த படத்தை அஜித்தின் தீவிர ரசிகனான ஆதிக் ரவிச்சந்திரன் இயக்க மைத்ரி மூவி மேக்கர்ஸ் நிறுவனம் படத்தை தயாரித்திருக்கிறது. ஜி.வி. பிரகாஷ் இதற்கு இசையமைக்கிறார். இப்படத்தில் அஜித் தவிர திரிஷா, பிரசன்னா, அர்ஜுன் தாஸ், யோகி பாபு, சுனில் மற்றும் பலர் நடித்திருக்கின்றனர். கேங்ஸ்டர் சம்பந்தமான கதைக்களத்தில் உருவாகும் இந்த படத்தின் படப்பிடிப்புகள் ஏற்கனவே நிறைவடைந்து படமானது ரிலீஸுக்கு தயாராகி வருகிறது. அதன்படி இப்படம் 2025 ஏப்ரல் 10 அன்று திரைக்கு வரும் என அறிவிக்கப்பட்டிருக்கிறது. 
இந்த நிலையில் தான் நேற்று (பிப்ரவரி 28) இந்த படத்தின் டீசரை படக்குழு வெளியிட்டிருந்தது. இந்த டீசரில் அஜித்தின் வின்டேஜ் படங்களின் குறியீடுகள் இடம்பெற்று இருந்தது. எனவே அஜித்தின் ரசிகரான ஆதிக் நீண்ட நாட்களாக எதிர்பார்த்து காத்துக் கொண்டிருந்த ரசிகர்களுக்கு தீனி போட்டு இருக்கிறார். எனவே இந்த டீசரும் இணையத்தை கலக்கி வரும் நிலையில் அடுத்தது இந்த படத்தின் முதல் பாடல் குறித்த அப்டேட் வெளியாகியுள்ளது. அதன்படி இப்படத்தின் முதல் பாடல் அடுத்த வாரம் வெளியாகும் என எதிர்பார்க்கப்படுகிறது. இனிவரும் நாட்களில் அதிகாரப்பூர்வ அறிவிப்பு வெளியாகும் என நம்பப்படுகிறது.