ஜனநாயகன் படத்தின் படப்பிடிப்பு ஜூன் மாத இறுதிக்குள் நிறைவடையும் என தகவல் வெளியாகியுள்ளது.
விஜய் நடிப்பில் கடந்தாண்டு செப்டம்பர் மாதம் தி கிரேட்டஸ்ட் ஆஃப் ஆல் டைம் திரைப்படம் வெளியானது. இந்த படம் ரசிகர்கள் மத்தியில் நல்ல வரவேற்பை பெற்று ரூ. 400 கோடிக்கும் அதிகமாக வசூல் செய்து சாதனை படைத்தது. இதைத்தொடர்ந்து நடிகர் விஜய் தனது 69 வது படமான ஜனநாயகன் திரைப்படத்தில் நடித்து வருகிறார். இந்த படத்தில் விஜயுடன் இணைந்து பூஜா ஹெக்டே, பாபி தியோல், பிரகாஷ்ராஜ், கௌதம் மேனன், மமிதா பைஜு மற்றும் பலர் நடித்து வருகின்றனர். 
இப்படத்தை கேவிஎன் ப்ரொடக்ஷன்ஸ் நிறுவனம் தயாரிக்க ஹெச். வினோத் இந்த படத்தை இயக்கி வருகிறார். அனிருத்தின் இசையிலும் சத்யன் சூரியனின் ஒளிப்பதிவியிலும் இப்படம் உருவாகி வருகிறது. அரசியல்வாதியாக மாறியுள்ள விஜயின் கடைசி படம் இது என்பதால் இப்படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதன்படி இந்த படத்தின் படப்பிடிப்புகளும் விறுவிறுப்பாக நடைபெற்று வருகின்றன. 
இந்த நிலையில் தான் சமீபத்தில் இந்த படத்தின் ஒட்டுமொத்த படபிடிப்பும் 2025 மே மாதத்திற்குள் நிறைவடைந்து விடும் என தகவல் வெளியானது. ஆனால் தற்போது கிடைத்த தகவலின்படி நடிகர் விஜய் அரசியலிலும் பிஸியாக இருப்பதால் ஜனநாயகன் படத்தின் படப்பிடிப்பு ஜூன் மாத இறுதிக்குள் நிறைவடையும் என லேட்டஸ்ட் அப்டேட் வெளிவந்துள்ளது. அடுத்தது இந்த படம் தொடர்பான அதிகாரப்பூர்வ அறிவிப்பு வெளியாகும் போது இப்படம் 2025 அக்டோபர் மாதத்தில் வெளியாகும் என தெரிவிக்கப்பட்டிருந்தது. ஆனால் இப்படத்தை 2026 பொங்கல் தினத்தில் திரைக்கு கொண்டு வர படக்குழு திட்டமிட்டு வருவதாக சொல்லப்படுகிறது. இனிவரும் நாட்களில் மற்ற அப்டேட்டுகள் வெளியாகும் என எதிர்பார்க்கப்படுகிறது.