சூர்யா, பூஜா ஹெக்டே நடிக்கும் ரெட்ரோ படத்தின் இரண்டாவது பாடல் வெளியாகியுள்ளது.
சூர்யா நடிப்பில் தற்போது ரெட்ரோ எனும் திரைப்படம் உருவாகி இருக்கிறது. இந்த படத்தை கார்த்திக் சுப்பராஜ் இயக்க சந்தோஷ் நாராயணன் இதற்கு இசையமைத்துள்ளார். இதனை சூர்யாவின் 2D நிறுவனமும் கார்த்திக் சுப்பராஜின் ஸ்டோன் பெஞ்ச் நிறுவனமும் இணைந்து தயாரித்திருக்கிறது. ஸ்ரேயாஸ் கிருஷ்ணா இதன் ஒளிப்பதிவு பணிகளை கவனித்திருக்கிறார். காதல் சம்பந்தமான கதைக்களத்தில் உருவாகி இருக்கும் இந்த படத்தில் சூர்யாவிற்கு ஜோடியாக பூஜா ஹெக்டே நடித்துள்ளார். மேலும் ஜெயராம், கருணாகரன், ஜோஜு ஜார்ஜ் மற்றும் பலர் நடித்துள்ளனர். இந்த படத்தின் படப்பிடிப்புகள் ஏற்கனவே நிறைவடைந்த நிலையில் படமானது 2025 மே 1ஆம் தேதி திரைக்கு வரும் முழு வீச்சில் தயாராகி வருகிறது. எனவே இதற்கிடையில் இந்த படத்தின் டைட்டில் டீசரை படக்குழு வெளியிட்டு ரசிகர்களை உற்சாகப்படுத்தியதோடு இந்த படத்தின் படப்பிடிப்பு காட்சிகளை காமிக்ஸ் வடிவிலும் வெளியிட்டிருந்தது.
அடுத்தது இந்த படத்தின் முதல் பாடல் ஏற்கனவே வெளியாகி ரசிகர்கள் மத்தியில் நல்ல வரவேற்பை பெற்ற நிலையில் தற்போது இந்த படத்தில் இருந்து ‘கனிமா’ எனும் இரண்டாவது பாடல் வெளியாகி இணையத்தில் வைரலாகி வருகிறது. இந்த பாடல் வரிகளை விவேக் எழுதியுள்ளார். சந்தோஷ் நாராயணன் இந்த பாடலை பாடியிருக்கிறார் என்பது குறிப்பிடத்தக்கது.