கவின், வளர்ந்து வரும் இளம் நடிகர்களில் ஒருவர் ஆவார்.
இவர் கணேஷ் கே பாபு இயக்கிய டாடா படத்தின் வெற்றிக்குப் பிறகு பல படங்களில் நடிப்பதற்கு கமிட்டாகி வருகிறார். அந்த வகையில் இவர் டான்ஸ் மாஸ்டர் சதீஷ் இயக்கும் புதிய படத்தில் நடித்து வருகிறார். இந்த படத்தில் இவருக்கு ஜோடியாக அயோத்தி பட நாயகி ப்ரீத்தி அஷ்ராணி நடிக்கிறார். ரோமியோ பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசை அமைக்கிறார்.
இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது.
அதேசமயம் கவின் மற்றொரு படத்தில் நடித்து வருவதாக கூறப்படுகிறது. ஸ்டார் என்று தலைப்பிடப்பட்டுள்ளதாக கூறப்படும் இந்த படத்தை இயக்குனர் இளன் இயக்குவதாகவும் யுவன் சங்கர் ராஜா இப்படத்திற்கு இசையமைப்பதாகவும் ஏற்கனவே செய்திகள் வெளியானது. இந்நிலையில் தற்போது இந்த படத்தின் கதாநாயகி குறித்த தகவல் வெளியாகியுள்ளது.
இந்த படத்தில் கவினுக்கு ஜோடியாக லவ் டுடே படத்தின் நாயகி இவானா அல்லது பேச்சாளர் திவ்ய பாரதி நடிக்கலாம் என்று கூறப்படுகிறது. இது சம்பந்தமான பேச்சு வார்த்தை நடைபெற்று வருகிறதாம். எனவே விரைவில் இது குறித்து அதிகாரப்பூர்வமான அறிவிப்பு வெளியாகும் என்று எதிர்பார்க்கப்படுகிறது.