ஆந்திரா மாநிலம், ஸ்ரீஹரிகோட்டாவில் உள்ள சதீஷ்தவான் விண்வெளி ஆய்வு மையத்தில் உள்ள ராக்கெட் ஏவுதளத்தில் இருந்து சந்திரயான்- 3 விண்கலம் LVM MK 3 ராக்கெட் மூலம் இன்று (ஜூலை 14) மதியம் 02.35 மணியளவில் விண்ணில் ஏவப்படவுள்ளது. நிலவு குறித்து ஆய்வுச் செய்வதற்காக சந்திரயான்- 3 விண்கலம் விண்ணில் செலுத்தப்படுகிறது. இதற்கான 25.30 மணி நேர கவுன்ட்டவுன் நேற்று (ஜூலை 13) மதியம் 01.00 மணிக்கு தொடங்கியது.
“முதலமைச்சர் பங்கேற்றால் கறுப்புக் கொடி காட்டுவோம்”- அண்ணாமலை பேட்டி!
சந்திரயான்- 2 திட்டத்தில் அனுப்பப்பட்ட ஆர்ப்பிட்டர் தற்போதும் நிலவை தான் சுற்றி வருகிறது. இந்த நிலையில், சந்திரயான்- 3 திட்டத்தில் ரோவர் மற்றும் லேண்டர் மட்டும் அனுப்பப்பட உள்ளதாக தகவல் கூறுகின்றன. நிலவைச் சுற்றி வரும் ஆர்ப்பிட்டர், சந்திரயான்- 3 உடன் இணைந்து தனது ஆய்வுப் பணியைத் தொடங்கும்.
சந்திரயான்- 3ல் லேண்டர் சற்றுப் பெரியதாக 4 இன்ஜின்களுடன் உருவாக்கப்பட்டுள்ளது. சந்திரயான்- 3ல் தொலைத்தொடர்பு இயக்கத்திற்கு தேவையான சென்சார் வலுப்படுத்தப்பட்டுள்ளது. இதில், கூடுதலாக ஒரு ஆண்டனா இணைக்கப்பட்டுள்ளதாக விஞ்ஞானிகள் தெரிவித்துள்ளனர். மெய்நிகர் தொழில்நுட்பத்தைப் பயன்படுத்தி லேண்டர், ரோவரின் செயல்பாடுகள் மற்றும் இயக்கம் அமையும்.
லேண்டர், ரோவர் ஆகியவைகளில் தனித்தனியே தொலைத்தொடர்பு சாதனங்கள் வலுப்படுத்தப்பட்டுள்ளன. இந்த புதிய தொழில்நுட்பங்கள் மூலம் நொடிக்கும் நொடி புதிய தகவல்களைப் பெறமுடியும் என்கின்றனர் இஸ்ரோ விஞ்ஞானிகள்.