மூட்டை மூட்டையாக தக்காளியை குப்பையில் போட்ட விவசாயிகள்
தெலுங்கானா மாநிலம் வாராங்கல்லில் தொடர் மொழியின் காரணமாக சேதம் அடைந்த தக்காளி கால்நடைகளுக்கு உணவாக குப்பை தொட்டியில் கொட்டிய விவசாயிகளின் நிலை சோகத்தை ஏற்படுத்தியுள்ளது.
நாடு முழுவதும் கடந்த சில வாரங்களாக தக்காளியின் வரத்து சந்தையில் குறைந்ததால் அதன் மதிப்பு ரூ.100- க்கு மேல் ஒரு கிலோவிற்கு விற்பனை செய்யப்பட்டு வருகிறது. இதனால் தக்காளி பயிரிட்ட விவசாயிகளில் பலர் சில வாரங்களில் கோடீஸ்வரர்களாக மாறிய நிலையும் ஏற்பட்டுள்ளது. இந்நிலையில் தெலுங்கானா மாநிலத்தில் தாங்கள் விளைவித்த தக்காளி பயிரின் மூலம் பல லட்சம் சம்பாதிக்கலாம் என ஆசையாக இருந்த விவசாயிகளுக்கு கடந்த சில தினங்களாக பெய்த மழையின் காரணமாக தக்காளிகள் சேதம் அடைந்துள்ளது.
வாரங்கல்லில் சந்தைக்கு வரும் தக்காளி வரத்தும் அதிகரித்துள்ள நிலையில், விலை குறைந்து வரக்கூடிய நிலையில் மழையால் சேதம் அடைந்த தக்காளிகளை கால்நடைகளுக்கு உணவாக அளிக்க குப்பை வண்டியில் ஏற்றி அனுப்பக்கூடிய நிலைக்கு விவசாயிகள் தள்ளப்பட்டுள்ளனர்.