ரிபெல் படத்தின் முன்னோட்டம் அப்டேட்
பிரபல இசை அமைப்பாளரான ஜிவி பிரகாஷ் ஒருபக்கம் தரமான ஹிட் பாடல்களை கொடுத்து வந்தாலும் மறுபக்கம் பல படங்களில் கதாநாயகனாகவும் நடித்து வருகிறார். அந்த வகையில் இவர் நடிப்பில் உருவாகி வரும் டியர் உள்ளிட்ட படங்கள் ரிலீசுக்கு தயாராகி வருகின்றன. சமீபத்தில் இவரின் அடியே திரைப்படம் வெளியாகி ரசிகர்கள் மத்தியில் நல்ல வரவேற்பை பெற்றது.
இதற்கிடையில் ஜிவி பிரகாஷ் ரிபெல் எனும் திரைப்படத்தில் நடிக்கிறார். இதனை அறிமுக இயக்குனர் நிகேஷ் இயக்குகிறார். ஜிவி பிரகாஷ் தான் இதில் இசையமைப்பாளராக பணியாற்றுகிறார். ஸ்டுடியோ கிரீன் நிறுவனத்தின் சார்பில் ஞானவேல் ராஜா மற்றும் சி வி குமார் இருவரும் இணைந்து இந்த படத்தை தயாரிக்கின்றனர். கடந்த 2021 ஆம் ஆண்டு தொடங்கப்பட்ட ரிபெல் படத்தின் படப்பிடிப்பு விறுவிறுப்பாக நடைபெற்று வந்த நிலையில் தற்போது முழுவதும் நிறைவடைந்தது. இதைத் தொடர்ந்து பின்னணி வேலைகள் நடைபெற்று வருகின்றன
இந்நிலையில், இப்படத்தின் முன்னோட்டம் நாளை மறுநாள் வெளியாகும் என்று படக்குழு அறிவித்துள்ளது.
