தளபதி என்று ரசிகர்களால் கொண்டாடப்படும் நடிகர் விஜய் தற்போது வெங்கட் பிரபு இயக்கி வரும் The Greatest Of All Time படத்தில் நடித்து வருகிறார். இந்த படத்தில் விஜயுடன் இணைந்து மீனாட்சி சவுத்ரி, லைலா, சினேகா, பிரசாந்த், பிரபுதேவா, அஜ்மல், மைக் மோகன் உள்ளிட்ட பலர் நடிக்கின்றனர். மேலும் இப்படம் டைம் டிராவல் சம்பந்தமான கதை களத்தில் உருவாகி வருவதாகவும் விஜய் இப்படத்தில் இரட்டை வேடங்களில் நடிப்பதாகவும் கூறப்படுகிறது. படத்தின் படப்பிடித்து ஹைதராபாத், சென்னை உள்ளிட்ட பகுதிகளில் விறுவிறுப்பாக நடைபெற்று வருகிறது.
ஏஜிஎஸ் என்டர்டெயின்மென்ட் நிறுவனம் தயாரிக்கும் இந்தப் படத்திற்கு யுவன் சங்கர் ராஜா இசை அமைக்கிறார். விஜயின் 68 வது படமான The Greatest Of All Time படத்தின் மீதான எதிர்பார்ப்பு ரசிகர்கள் மத்தியில் பெருமளவில் இருந்து வருகிறது. அதன்படி படம் சம்பந்தமாக வெளியாகும் அடுத்தடுத்து அப்டேட்டுகளை ரசிகர்கள் வெகு விமர்சையாக கொண்டாடி வருகின்றனர். 
சமீபத்தில் வெளியான ஃபர்ஸ்ட் லுக் போஸ்டரும் அதைத் தொடர்ந்து வெளியான அடுத்தடுத்த போஸ்டர்களையும் ரசிகர்கள் கொண்டாடிட்டு தீர்த்தனர். இந்நிலையில் The Greatest Of All Time படத்தை ஜூன் 13ஆம் தேதி வெளியிட படக்குழுவினர் திட்டமிட்டுள்ளதாக தகவல் கிடைத்துள்ளது. மேலும் இது சம்பந்தமான அறிவிப்பு விரைவில் வெளியாகும் என்று எதிர்பார்க்கப்படுகிறது.