விஜய் தேவரகொண்டா தம்பி மீது திருட்டு புகார்

பிரபல தெலுங்கு நடிகர் விஜய் தேவரகொண்டாவின் தம்பியும், நடிகருமான ஆனந்த் தேவரகொண்டா மீது கதை திருட்டு புகார் அளிக்கப்பட்டுள்ளது.

தெலுங்கில் முன்னணி நடிகராக வலம் வருபவர் நடிகர் விஜய் தேவரகொண்டா. அர்ஜூன் ரெட்டி படத்தின் மூலம் தெலுங்கில் உச்சம் தொட்ட விஜய்க்கு அடுத்தடுத்து பட வாய்ப்புகள் குவியத் தொடங்கின. இதைத் தொடர்ந்து இந்தியில் லைகர் என்ற திரைப்படத்தில் நடித்தார். இப்படத்தின் மூலம் பாலிவுட்டுக்கு அறிமுகமும் ஆனார். தற்போது விஜய் நடிப்பில் பேமிலி ஸ்டார் திரைப்படம் உருவாகி வருகிறது. விஜய் தேவரகொண்டாவுக்கு ஆனந்த் தேவரகொண்டா என்ற தம்பி உள்ளது. இவர் கடந்த 2018-ம் ஆண்டு தொரசாணி என்ற படத்தின் மூலம் திரைக்கு அறிமுகமானார்.

முதல் படத்திலேயே நாயகனாக அறிமுகமான ஆனந்த், ரசிகர்கள் மத்தியில் கவனம் ஈர்த்தார். தொடர்ந்து சில படங்கள் நடித்தாலும், அவருக்கு பெரிய அளவில் கை கொடுக்கவில்லை. இந்நிலையில், ஆனந்த் நடிப்பில் கடந்த ஆண்டு வெளியான திரைப்படம் பேபி. இத்திரைப்படம் வெளியான நாள் முதல் சுமார் 50 கோடி வசூலித்து நல்ல வரவேற்பை பெற்றது. இந்த படத்தை சாய் ராஜேஸ் இயக்கி இருந்தார்.

தற்போது இந்த கதை என்னுடையது எனவும், தனது அனுமதி இல்லாமல் கதையை எடுத்துள்ளதாகவும் ஒளிப்பதிவாளர் ஷிரின் ராம் தெரிவித்துள்ளார். மேலும், ஐதராபாத்தில் உள்ள காவல் நிலையத்திலும் அவர் நடிகர் ஆனந்த் தேவரகொண்டா மீது புகார் அளித்துள்ளார். கண்ணா ப்ளீஸ் என்ற தலைப்பில் தான் எழுதியை கதையை முதன்முதலா, சாய் ராஜேஷிடம் கூறியதாகவும், அந்த கதையை தன் அனுமதி இல்லாமல் அவர் பயன்படுத்தி படம எடுத்திருப்பதாகவும் குற்றம் சாட்டி இருக்கிறார். ஆனால் படம் வெளியாகி 8 மாதங்கள் கழித்து புகார் அளிக்கப்பட்டிருப்பது சர்ச்சையை ஏற்படுத்தி இருக்கிறது.