தமிழ் திரையுலகில் தலக்கும், தளபதிக்கும் என்றுமே தனி கிரேஸ் என்றே சொல்லலாம். தளபதி என விஜய் கொண்டாடப்பட்டால், தல எனும் கொண்டாடப்படும் நடிகர் அஜித்குமார். ஆரம்ப காலத்தில் அடுத்தடுத்து பல படங்களில் கமிட்டாகி பிசியாக நடித்து வந்த அஜித்குமார், தற்போது ஆண்டிற்கு ஒரு படத்தில் நடிப்பதே அரிதாகி உள்ளது. அண்மைக் காலமாக எச். வினோத்துடன் இணைந்து அடுத்தடுத்து படங்களில் நடித்திருந்தார். அஜித் நடிப்பில் வௌியான வலிமை, துணிவு படங்கள் ரசிகர்கள் மத்தியில் நல்ல வரவேற்பை பெற்றன.
அஜித்குமார் நடிப்பில் இறுதியாக வெளியான திரைப்படம் துணிவு. இப்படத்தில் அஜித், மஞ்சு வாரியார் ஆகியோர் நடித்திருந்தனர். இப்படம் கடந்த ஆண்டு பொங்கல் பண்டிகைக்கு வெளியானது. இப்படத்தின் வெற்றிக்கு பிறகு அஜித் நடிக்கும் திரைப்படம் விடாமுயற்சி. மகிழ் திருமேனி இப்படத்தை இயக்குகிறார். படத்தில் த்ரிஷா, ரெஜினா, அர்ஜூன் ஆகியோர் முக்கிய கதாபாத்திரங்களில் நடிக்கின்றனர். இப்படத்தின் படப்பிடிப்பு அஜர்பைஜானில் விறுவிறுப்பாக சென்று கொண்டிருக்கிறது. படப்பிடிப்புக்கு இடையே நடிகர் அஜித் சுற்றுலா செல்வதையும் வழக்கமாக கொண்டிருக்கிறார்.