ஏ.எல்.விஜய் இயக்கும் காதல் கதை… ஹாரிஸ் ஜெயராஜ் இசையமைப்பு…
கிரீடம் படத்தின் மூலம் இயக்குநராக கோலிவுட் திரையுலகில் அறிமுகமானவர் இயக்குநர் ஏ.எல்.விஜய். இதைத் தொடர்ந்து பொய் சொல்லப் போறோம் படத்தை இயக்கினார். அடுத்து அவரது இயக்கத்தில் வெளியான மதராசப்பட்டினம், தெய்வ திருமகள் மற்றும் தாண்டவம் என அடுத்தடுத்து பல ஹிட் திரைப்படங்களை இயக்கினார். இதைத் தொடர்ந்து விஜய்யை வைத்து தலைவா படத்தை இயக்கினார். அடுத்து சைவம், இது என்ன மாயம், தேவி, வனமகன், தியா ஆகிய படங்களை இயக்கினார். பாலிவுட் நட்சத்திரம் கங்கனா ரணாவத்தை வைத்து தலைவி திரைப்படத்தை இயக்கினார்.
இதையடுத்து, இறுதியாக அருண் விஜய் நடிப்பில் மிஷன் திரைப்படத்தை இயக்கி இருந்தார். மலையாள நடிகை நிமிஷா சஜயனும் இந்தப் படத்தில் நடித்துள்ளார். எமி ஜாக்சன் இந்தப் படத்தில் முக்கியக் கதாபாத்திரத்தில் நடித்தனர். இத்திரைப்படம் கடந்த ஜனவரி மாதம் 12-ம் தேதி பொங்கல் பண்டிகையை முன்னிட்டு திரையரங்குகளில் வெளியாகி ரசிகர்கள் மத்தியில் வரவேற்பை பெற்றது.
இந்நிலையில், ஏ.எல்.விஜய் இயக்கும் அடுத்த திரைப்படம் குறித்த அப்டேட் வெளியாகி உள்ளது. இத்திரைப்படத்திற்கு இதுவும் ஒரு காதல் கதை என்று தலைப்பு வைக்கப்பட்டுள்ளதாக கூறப்படுகிறது. மேலும், இத்திரைப்படத்திற்கு ஹாரிஸ் ஜெயராஜ் இசை அமைப்பதாகவும் கூறப்படுகிறது. இத்திரைப்படத்தில் நடிக்கவுள்ள நட்சத்திரங்கள் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது.
