ரஜினிகாந்தின் கூலி படத்தில் இணைந்த மலையாள பிரபலம்

கோவையில் பிறந்து இன்று கோலிவுட்டையே தன் பக்கம் திரும்பிப் பார்க்க வைத்த தனிப்பெரும் இயக்குநர் லோகேஷ் கனகராஜ். மாநகரம் படத்தின் மூலம் இவரது திரைப்பயணம் தொடங்கியது. யாரிடமும் உதவி இயக்குநராக பணிபுரியாமல், முதல் முயற்சியிலேயே வெற்றி கண்ட இயக்குர் லோகி. மாநகரம் படத்தின் வெற்றி அவரை முன்னணி நடிகரிடம் அழைத்துச் சென்றது. கார்த்தியை வைத்து அவர் இயக்கிய கைதி திரைப்படம் ரசிகர்கள் மத்தியில் பெரும் வரவேற்பை பெற்றது.

தொடர்ந்து கமல்ஹாசனை வைத்து விக்ரம், விஜய்யை வைத்து மாஸ்டர், படங்களை இயக்கினார். இறுதியாக லியோ படத்தை இயக்கினார். இதில் விஜய் உள்பட பெரும் நட்சத்திர பட்டாளமே நடித்திருந்தது. இதைத் தொடர்ந்து லோகேஷ் கனகராஜ், ரஜினியை இயக்குகிறார். ரஜினி நடிக்கும் 171-வது படமாகும். இப்படத்தின் அறிவிப்பு வெளியான நாள் முதலே எதிர்பார்ப்பு அதிகரித்து வந்தது.

இப்படத்தை சன் பிக்சர்ஸ் நிறுவனம் தயாரிக்கிறது. லோகேஷ் கனகராஜ் இயக்கத்தில் உருவாகும் இப்படத்திற்கு அனிருத் இசை அமைக்கிறார். அண்மையில் இப்படத்தின் டைட்டில் டீசர் வௌியிடப்பட்டு, படத்திற்கு கூலி என்று தலைப்பு அறிவிக்கப்பட்டது. இப்படத்தில் சத்யராஜ் மற்றும் அபிராமி ஆகியோர் முக்கிய கதாபாத்திரங்களில் நடிப்பதாக அண்மையில் தகவல் வௌியானது. இந்நிலையில், கூலி படத்தில் மலையாள பிரபலம் திலீப் முக்கிய கதாபாத்திரத்தில் நடிப்பதாக தகவல் வெளியாகி இருக்கிறது.