உன்னி முகுந்தன் நடிக்கும் கெட் – செட் பேபி படத்தின் ஃபர்ஸ்ட் லுக் வெளியாகி உள்ளது.
உன்னி முகுந்தன் மலையாள சினிமாவில் முன்னணி நடிகராக வலம் வருபவர். அந்த வகையில் மலையாளத்தில் இவர் பல வெற்றி படங்களை கொடுத்துள்ளார். அதேசமயம் இவர் தமிழில் தனுஷ் நடிப்பில் கடந்த 2011 ஆம் ஆண்டு வெளியான சீடன் திரைப்படத்தில் முக்கிய கதாபாத்திரத்தில் நடித்திருந்தார். அதன் பின்னர் கடந்த மே மாதம் சூரி நடிப்பில் வெளியான கருடன் திரைப்படத்தில் நடித்திருக்கிறார். மேலும் உன்னி முகுந்தன் மார்கோ எனும் ஆக்ஷன் திரில்லர் படத்தில் நடித்து வருகிறார். இந்த படத்தை ஹனீப் அடேனி இயக்குகிறார். சமீபத்தில் தான் இந்த படத்தின் பர்ஸ்ட் லுக் போஸ்டர் வெளியாகி மிகப்பெரிய வரவேற்பை பெற்றது. இந்நிலையில் அடுத்ததாக உன்னி முகுந்தன், கெட் – செட் பேபி எனும் படத்திலும் நடிக்கிறார். இந்த படத்தில் உன்னி முகுந்தனுக்கு ஜோடியாக நிகிலா விமல் நடிக்கிறார். இதனை ஸ்கந்தா சினிமாஸ் நிறுவனமும் கிங்ஸ்மென் ப்ரொடக்ஷன்ஸ் நிறுவனமும் இணைந்து தயாரிக்கிறது. 
வினய் கோவிந்த் இந்த படத்தை இயக்குகிறார். சாம் சி எஸ் இந்த படத்திற்கு இசையமைக்க அலெக்ஸ் J புலிக்கள் ஒலிப்பதிவு பணிகளை கவனிக்கிறார். இந்த படமானது பீல் குட் என்டர்டெயினர் படமாக உருவாகி வருகிறது. தற்போது இந்த படத்தின் பர்ஸ்ட் லுக் போஸ்டர் வெளியாகி ரசிகர்களின் கவனம் பெற்றுள்ளது.