விஜய் தேவரகொண்டா – அனிருத் கூட்டணியில் படம்… படப்பிடிப்பு அப்டேட் இதோ…
தெலுங்கில் எந்த வித சினிமா பின்புலமும் இல்லாமல் தன் திறமையால் மட்டுமே, இன்று இந்தியாவின் முன்னணி இளம் நடிகராக வலம் வருபவர் நடிகர் விஜய் தேவரகொண்டா. யூ டியூப் வீடியோக்கள் மூலம் பிரபலமாகி பின்னர் டோலிவுட் திரையில் அறிமுகமாகினார். அவர் நடித்த பெல்லிசோப்புலூ திரைப்படம் பெரும் வெற்றி பெற்றது. தொடர்ந்து அவரது நடிப்பில் வெளியான அர்ஜூன் ரெட்டி திரைப்படம் மாபெரும் ஹிட் அடித்ததை தொடர்ந்து, தெலுங்கு சினிமாவைத் தாண்டி பான் இந்தியா நடிகராக உருவெடுத்தார்
![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSIxMzExIiBoZWlnaHQ9IjIwNDgiIHZpZXdCb3g9IjAgMCAxMzExIDIwNDgiPjxyZWN0IHdpZHRoPSIxMDAlIiBoZWlnaHQ9IjEwMCUiIHN0eWxlPSJmaWxsOiNjZmQ0ZGI7ZmlsbC1vcGFjaXR5OiAwLjE7Ii8+PC9zdmc+)
லிகர் படத்தின் மூலம் அவர் பாலிவுட்டுக்கும் அறிமுகமானார். இப்படத்தை கரண் ஜோகர் தயாரித்து இருந்தார். விஜய் தேவரகொண்டா மற்றும் சமந்தா நடிப்பில் வெளியான குஷி திரைப்படம் ரசிகர்கள் மத்தியில் நல்ல வரவேற்பை பெற்றது. இப்படத்தைத் தொடர்ந்து பேமிலி ஸ்டார் வெளியானது.
![](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSIxMjgwIiBoZWlnaHQ9IjE2MDAiIHZpZXdCb3g9IjAgMCAxMjgwIDE2MDAiPjxyZWN0IHdpZHRoPSIxMDAlIiBoZWlnaHQ9IjEwMCUiIHN0eWxlPSJmaWxsOiNjZmQ0ZGI7ZmlsbC1vcGFjaXR5OiAwLjE7Ii8+PC9zdmc+)
தற்போது தனது 12-வது திரைப்படத்தில் விஜய் தேவரகொண்டா நடித்து வருகிறார். இந்த படத்தை கௌதம் தினனுரி இயக்கி வருகிறார். சித்தாரா என்டர்டெயின்மெண்ட் நிறுவனம் படத்தை தயாரிக்கிறது. மேலும், அனிருத் இத்திரைப்படத்திற்கு இசை அமைக்கிறார். படத்தில் காவல் அதிகாரியாக விஜய் நடிக்கிறார். இந்நிலையில், இத்திரைப்படத்தின் முதல் கட்ட படப்பிடிப்பு விசாகப்பட்டினத்தில் நிறைவு பெற்றது. இதைத் தொடர்ந்து அடுத்ததாக இலங்கையில் அடுத்த கட்ட படப்பிடிப்பு தொடங்க உள்ளது.