ஷங்கர்- கமல்ஹாசன் கூட்டணியில் இந்தியன் 2 திரைப்படமும், பார்த்திபனின் டீன்ஸ் திரைப்படமும் நாளை வெளியாகிறது.
28 ஆண்டுகளுக்குப் பிறகு ஷங்கர்- கமல்ஹாசன் கூட்டணியில் உருவாகியுள்ள இந்தியன் 2 திரைப்படம், பல்வேறு போராட்டங்களுக்குப் பிறகு, குறிப்பாக ஐந்தரை ஆண்டுகள் கழித்து நாளை திரைக்கு வருகிறது.
ஷங்கர்- கமல்ஹாசன் கூட்டணியில் 1996ம் ஆண்டு வெளியாகி மாபெரும் வெற்றிப் படமாக அமைந்தது இந்தியன் திரைப்படம். அதனை தொடர்ந்து 28 ஆண்டுகள் கழித்து அதே கூட்டணி இந்தியன் 2 படத்திற்காக இணைந்துள்ளது. இதில் கமல்ஹாசன் உடன் காஜல் அகர்வால், சித்தார்த், பாபி சிம்ஹா, ரகுல் ப்ரீத் சிங், பிரியா பவானி ஷங்கர், எஸ்.ஜே.சூர்யா, மறைந்த நடிகர்கள் விவேக், மனோபாலா, மாரிமுத்து, நெடுமுடி வேணு உள்ளிட்ட பலர் நடித்துள்ளனர். முதல் பாகத்திற்கு ஏ.ஆர்.ரகுமான் இசை அமைத்திருந்த நிலையில் இந்தியன் இரண்டு மற்றும் மூன்றாம் பாகங்களுக்கு அனிருத் இசை அமைத்துள்ளார்.
18.01.2019-ல் தொடங்கப்பட்ட இந்தியன் 2 திரைப்படத்தின் படப்பிடிப்பு அடுத்து ஒரு வருடத்தில் தொழில்நுட்ப கலைஞர் உயிரிழந்தது, கோரோனா ஊரடங்கு, என பல இடர்ப்பாடுகள் தாண்டி கிட்டத்தட்ட ஐந்து வருடம், ஆறு மாதத்திற்கு பிறகு, உலகம் எங்கும் தமிழ், தெலுங்கு, ஹிந்தி உள்ளிட்ட மொழிகளிலும், ஐமேக்ஸ் தொழில்நுட்பத்திலும் நாளை வெளியாக உள்ளது.
படத்தின் நீளம் கருதி இரண்டு மற்றும் மூன்று பாகங்களாக உருவாக உள்ளதாக ஏற்கனவே அறிவிக்கப்பட்டுள்ள நிலையில் மிகப்பெரிய எதிர்பார்ப்போடு இப்படம் நாளை திரைக்கு வருகிறது. நண்பன் திரைப்படத்திற்கு பிறகு ஷங்கர் இயக்கத்தில் வெளியான ஐ மற்றும் 2.O ஆகிய இரண்டு பிரம்மாண்ட திரைப்படங்கள் வசூல் ரீதியாக வெற்றி பெற்றிருந்தாலும் விமர்சன ரீதியாக வரவேற்பை பெறவில்லை. இந்நிலையில் இந்தியன் 2 திரைப்படம் வசூல் மற்றும் விமர்சன ரீதியில் வெற்றி பெறுமா என்ற கேள்வியும் எழுந்துள்ளது.
‘இந்தியன் 4’-ஆம் பாகம் இயக்கப் போகிறாரா சங்கர்? ….. அவரே சொன்ன பதில்!
ஒத்த செருப்பு, இரவின் நிழல் படங்களைத் தொடர்ந்து பார்த்திபன் இயக்கத்தில் உருவாகியுள்ள திரைப்படம் டீன்ஸ். சிறுவர்கள் மற்றும் யோகி பாபுவை வைத்து எடுக்கப்பட்டுள்ள இப்படம் மீண்டும் ஒரு புதிய முயற்சியோடு உருவாக்கப்பட்டுள்ளதாக ஏற்கனவே பார்த்திபன் தெரிவித்திருந்தார்.
தனுஷுக்கு ஜோடியாகும் அனிமல் பட நடிகை…. ‘தேரே இஷ்க் மெய்ன்’ பட அப்டேட்
இதற்கு டி. இமான் இசையமைத்துள்ளார். இந்தியன் 2 திரைப்படத்தோடு வெளியாகும் எனது திரைப்படத்திற்கும் ரசிகர்கள் ஆதரவு கொடுக்க வேண்டும் என்று டிக்கெட்டின் விலையை 100 ரூபாய் வரை குறைத்து பல்வேறு வகையில் கவனம் ஈர்த்து வருகிறார் இயக்குனர் பார்த்திபன். இந்தியன் 2 திரைப்படத்தோடு வெளியாகும் டீன்ஸ் திரைப்படம் போதுமான கவனத்தை பெறுமா என்பதையும் பொறுத்திருந்தே பார்க்க வேண்டும். இந்த நிலையில் தமிழில் இந்தியன் 2 மற்றும் பார்திபனின் டீன்ஸ் ஆகிய இரு தமிழ் படங்கள் நாளை வெளியாகிறது.