7/G ரெயின்போ காலனி 2 படத்தின் பர்ஸ்ட் லுக் வெளியாகி உள்ளது.
செல்வராகவன் இயக்கத்தில் கடந்த 2004 ஆம் ஆண்டு 7/G ரெயின்போ காலனி திரைப்படம் வெளியானது. இந்த படத்தில் ரவி கிருஷ்ணா கதாநாயகனாக நடிக்க சோனியா அகர்வால் கதாநாயகியாக நடித்திருந்தார். எதார்த்தமான காதல் கதைக்களத்தில் வெளியான இந்த படம் இளைஞர்களின் பேராதரவை பெற்று வெற்றி படமாக அமைந்தது. இந்நிலையில் அடுத்ததாக நீண்ட இடைவெளிக்கு பிறகு இயக்குனர் செல்வராகவன், 7/G ரெயின்போ காலனி 2 திரைப்படத்தை இயக்கி வருகிறார். இந்த படத்தை ஸ்ரீ சூர்யா மூவிஸ் நிறுவனம் தயாரிக்க இந்த படத்திற்கு யுவன் சங்கர் ராஜா இசை அமைக்கிறார். ராம்ஜி இதன் ஒளிப்பதிவு பணிகளை கவனிக்கிறார். தற்போது இந்த படத்தின் பர்ஸ்ட் லுக் போஸ்டர் படக்குழுவினர் சார்பில் வெளியிடப்பட்டுள்ளது. இந்த போஸ்டரில் இந்த படத்தின் படப்பிடிப்பு இறுதி கட்டத்தை நெருங்கியுள்ளதாக தெரிவிக்கப்பட்டுள்ளது. 
இந்த போஸ்டர் தற்போது ரசிகர்களை வெகுவாக கவர்ந்து இணையத்திலும் வைரலாகி வருகிறது. மிகுந்த எதிர்பார்ப்புகளுடன் உருவாகி வரும் 7/G ரெயின்போ காலனி 2 திரைப்படத்தில் நடிகர் ரவி கிருஷ்ணா தான் இப்பதான் நாயகனாக நடிக்கிறார் என்று ஏற்கனவே தகவல் வெளியானது. அத்துடன் இந்த படத்தில் அனஸ்வரா ராஜன் கதாநாயகியாக நடிக்கலாம் என்றும் தகவல் வெளியானது குறிப்பிடத்தக்கது. இருப்பினும் விரைவில் நடிகர், நடிகைகள் குறித்த விவரங்கள் வெளியாகும் என எதிர்பார்க்கப்படுகிறது.