ராம்சரண் நடிக்கும் கேம் சேஞ்சர் படத்தின் டீசர் குறித்து அறிவிப்பு வெளியாகி உள்ளது.
ராம் சரண் நடிப்பில் உருவாகி வரும் திரைப்படம் தான் கேம் சேஞ்சர். இந்த படத்தை ஜென்டில்மேன், முதல்வன், அந்நியன் உள்ளிட்ட பல வெற்றி படங்களை தந்த இயக்குனர் சங்கர் இயக்கியிருக்கிறார். அரசியல் தொடர்பான கதைகளத்தில் உருவாகி வரும் கேம் சேஞ்சர் படத்தின் படப்பிடிப்புகள் கடந்த சில வருடங்களுக்கு முன்னரே தொடங்கப்பட்டது. கொரோனா போன்ற பல காரணங்களால் தாமதமான இந்த படத்தின் படப்பிடிப்பு கடந்த சில தினங்களுக்கு முன்னர் முழுவதும் நிறைவடைந்தது. அதைத்தொடர்ந்து இந்த படம் அடுத்த ஆண்டு ஜனவரி மாதம் 10ஆம் தேதி பொங்கல் தினத்தை முன்னிட்டு வெளியாகும் என பட குழு அதிகாரப்பூர்வமாக அறிவித்திருந்தது. இதற்கிடையில் படத்திலிருந்து அடுத்தடுத்த பாடல்களும் வெளியாகி ரசிகர்களை கவர்ந்து வருகிறது. இந்நிலையில் இந்த படத்தின் டீசர் வருகின்ற நவம்பர் 9ஆம் தேதி வெளியாகும் என படக்குழு புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளது. இந்த தகவல் ரசிகர்களுக்கு இன்ப அதிர்ச்சியை தந்துள்ளது.
கேம் சேஞ்சர் படத்தை ஸ்ரீ வெங்கடேஸ்வரா சினிமாஸ் நிறுவனம் தயாரிக்க தமன் இதற்கு இசை அமைத்திருக்கிறார். திருநாவுக்கரசு இதன் ஒளிப்பதிவு பணிகளை கவனிக்கிறார். மேலும் இந்த படத்தில் ராம்சரணுடன் இணைந்து கியாரா அத்வானி, எஸ்.ஜே. சூர்யா, அஞ்சலி, ஜெயராம் உள்ளிட்டோர் முக்கிய கதாபாத்திரங்களில் நடித்திருக்கின்றனர் என்பது குறிப்பிடத்தக்கது.