இயக்குனர் ஹரியின் புதிய ஸ்டுடியோ… நேரில் வந்து திறந்து வைத்த சூர்யா!

இயக்குநர் ஹரியின் புதிய ஸ்டியோவை நடிகர் சூர்யா ரிப்பன் வெட்டி திறந்து வைத்துள்ளார்.

இயக்குனர் ஹரி தமிழ் சினிமாவின் முக்கியமான இயக்குனர்களில் ஒருவர். அவரது இயக்கத்தில் வெளியான படங்கள் அனைத்தும் அனைத்து தரப்பு ரசிகர்களையும் வெகுவாக கவர்பவை.

நடிகர் சூர்யாவுடன் இயக்குனர் ஹரி இணைந்து உருவாக்கிய ‘சிங்கம்’ திரைப்படம் சூப்பர் ஹிட் வெற்றி பெற்றது. அதையடுத்து சிங்கம் 2 மற்றும் சிங்கம் 3 ஆகிய படங்களிலும் இணைந்து பணியாற்றினர். பின்னர் இருவரும் அருவா படத்திற்காக இணைவதாக இருந்தது. ஆனால் அந்தப் படம் தள்ளிப்போனது.

இந்நிலையில் இயக்குநர் ஹரி 40 வருட பாரம்பரியம் கொண்ட குட்லக் ஸ்டியோவை மறு சீரமைப்பு செய்து புதிதாக உருவாக்கியுள்ளார். அதில் நடிகர் சூர்யா சிறப்பு விருந்தினராக கலந்துகொண்டு ரிப்பன் வெட்டி திறந்து வைத்துள்ளார். அந்தப் புகைப்படங்கள் தற்போது இணையத்தில் வைரலாகி வருகின்றன.