கமலா ஹாரிஸ் உருவத்தில் 50 கிலோ இட்லி – தமிழ்நாடு சமையல் தொழிலாளர் சங்கத்தினர் அசத்தல்

கமலா ஹாரிஸ் உருவத்தில் 50 கிலோ எடையுள்ள இட்லி தயாரித்து தமிழ்நாடு சமையல் தொழிலாளர் சங்கத்தினர் அசத்தி உள்ளனர்.

அமெரிக்க அதிபர் தேர்தலில் கமலா ஹாரிஸ் வெற்றி பெறுவார் என்ற நம்பிக்கை கொண்டாட்டத்திற்கு தேர்தல் முடிவு அதிர்ச்சி அளிக்கும் விதமாய் மாறியது.

சென்னை கொருக்குப்பேட்டையில் தமிழ்நாடு சமையல் தொழிலாளர் சங்கம் சார்பில் இந்தியா வம்சாவளி அமெரிக்க அதிபராக தேர்தலில் போட்டியிடும் கமலா ஹாரிசன் உருவத்தில் 50 கிலோ எடையுள்ள இட்லியை தயார் செய்து வாழ்த்தியுள்ளனர்.

இந்தியா வம்சாவளி அமெரிக்க அதிபராக பொறுப்பேற்க வேண்டி கமலா ஹாரிஸ் வடிவில் உருவத்தில் 50 கிலோ எடையுள்ள இட்லி தயாரிக்கப்பட்டு பொதுமக்கள் காட்சிக்காக வைக்கப்பட்டுள்ளது.

அமெரிக்க அதிபர் தேர்தல் நடைபெற்று வரும் நிலையில் இருவருக்குமே கடும் போட்டி ஏற்பட்டு இழுபரியான நிலையில் உள்ளது. இந்நிலையில் தமிழ்நாடு சமையல் தொழிலாளர் நல சங்கத்தினர் கமலா ஹாரிஸ் வெற்றி பெறுவார் என்ற நம்பிக்கையில் அவரது வெற்றியை சென்னையில் கொண்டாடுவதற்காக 50 கிலோ எடையுள்ள இட்லியில் அவரது உருவம் பொறித்து மகிழ்ச்சியை வெளிப்படுத்தி உள்ளனர்.

மேலும் பட்டாசு வெடித்து இனிப்பு வழங்கி கொண்டாட இருந்த நிலையில் அமெரிக்கா அதிபர் தேர்தல் மாற்றத்தை ஏற்படுத்தியுள்ளதால் வெற்றி கொண்டாட்டம் சோர்வானது. இருந்தாலும் தமிழ்நாட்டை சேர்ந்த ஒரு குக்கராமத்தில் இருந்து இந்தியா வம்சாவளி வழியில் அமெரிக்காவில் அதிபராக போட்டியிட்டு இந்தியாவுக்கே பெருமை சேர்க்கும் கமலா ஹாரிஸ் பாராட்டு விதமாக தமிழ்நாடு சமையல் கலைஞர் தொழிலாளர் நல சங்கத்தினர் இட்லி வகையில் உருவத்தை தயார் செய்து பாராட்டி மகிழ்ச்சியை தெரிவித்துள்ளனர்.

குறிப்பாக கமலஹாரிசுக்கு இட்டிலி சாம்பார் பிடிக்கும் என்பதின் அடிப்படையில் அவருக்கு பிடித்த இட்லி உணவின் வழியிலேயே அவருக்கு பாராட்டை தெரிவிப்பதாக கூறியுள்ளனர்.

ட்ரம்ப் வெற்றிபெற ஒவ்வொரு வாக்காளருக்கும் 47 டாலர்: வாரியிறைத்த எலான் மஸ்க்