சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.640 உயர்ந்து, சவரன் ரூ.58 ஆயிரத்து 280-க்கு விற்பனையாகிறது.
சென்னையில் ஆபரணத் தங்கத்தின் விலை தொடர்ந்து ஏற்ற இறக்கத்துடன் காணப்பட்டு வருகிறது. நேற்று தங்கம் விலை சவரனுக்கு ரூ.600 வரை உயர்ந்து, ரூ.57,640-க்கு விற்பனையானது. இந்த நிலையில், தங்கம் விலை இன்று சவரனுக்கு மேலும் ரூ.640 உயர்ந்துள்ளது.
அதன்படி, சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.640 உயர்ந்து, ரூ.58,280-க்கு விற்பனையாகிறது. தங்கம் விலை கிராமுக்கு ரூ.80 உயர்ந்து ஒரு கிராம் ரூ.7,285-க்கு விற்பனை செய்யப்படுகிறது. தங்கம் விலை கடந்த 2 நாட்களில் மட்டும் சவரனுக்கு ரூ.1,240 உயர்ந்துள்ளது.
சென்னையில் சில்லறை வர்த்தகத்தில் வெள்ளியின் விலை இன்று கிராமுக்கு ரூ.1 குறைந்து ஒரு கிராம் ரூ.103-க்கு விற்பனை செய்யப்படுகிறது. பார் வெள்ளி கிலோவுக்கு ஆயிரம் ரூபாய் குறைந்து, வெள்ளி கிலோ ஒரு லட்சத்து, 3 ஆயிரம் ரூபாய்க்கு விற்பனையாகிறது.