சென்னையில் மீண்டும் உயர்ந்த தங்கம் விலை… இன்று சவரன் எவ்வளவு தெரியுமா?

சென்னையில் 22 கேரட் ஆபரணத்தங்கத்தின் விலை சவரனுக்கு 200 ரூபாய் உயர்ந்து 56,840 ரூபாய்க்கு விற்பனையாகிறது.

சென்னையில் கடந்த வாரம் தொடர்ந்து உயர்ந்து வந்த ஆபரணத் தங்கத்தின் விலை கடந்த 2 நாட்களாக குறைந்து வந்தது. கடந்த 24ஆம் தேதி சவரன் ரூ.58,400-க்கு விற்பனையான நிலையில், கடந்த 2 நாட்களில் சவரனுக்கு 1,760 ரூபாய் வரை குறைந்து ரூ.56,640க்கு விற்பனையானது. இந்த நிலையில், தங்கம் விலை இன்று சவரனுக்கு 200 ரூபாய் உயர்ந்துள்ளது.

சென்னையில் இன்று 22 கேரட் ஆபரணத்தங்கத்தின் விலை சவரனுக்கு 200 ரூபாய் உயர்ந்து 56,840 ரூபாய்க்கு விற்பனையாகிறது. ஆபரணத்தங்கம் கிராமுக்கு ரூ.25 உயர்ந்து, ரூ.7,105க்கு விற்பனையானது. சில்லறை வர்த்தகத்தில் வெள்ளி விலையில் மாற்றம் இன்றி கிராம் ரூ.98-க்கு விற்பனையாகிறது. பார் வெள்ளி கிலோ ரூ.98 ஆயிரத்துக்கு வர்த்தகமாகிறது.