திருப்போரூர் முருகன் கோயில் உண்டியில் விழுந்த பக்தரின் ஐபோன் துறை விதியை ஆராய்ந்து சாத்தியக்கூறு இருந்தால் சட்டப்படி வழங்கப்படும் என அமைச்சர் பி கே சேகர் பாபு தெரிவித்துள்ளார்.
சென்னை மாதவரம் நடேசன் நகரில் உள்ள பழமையான மாரியம்மன் திருக்கோயில் வலுவிழுந்து உள்ளதால் ரூபாய் 1.30 கோடி மதிப்பீட்டில் கருங்கற்களால் புதியதாக மாரியம்மன் திருக்கோயில் கட்டுவதற்கான கட்டுமான பணிகள் நடைபெற உள்ளதை இந்து சமய அறநிலை துறை அமைச்சர் பி.கே சேகர்பாபு ஆய்வு மேற்கொண்டார்.
அதனைத் தொடர்ந்து வேணுகோபால் நகரில் உள்ள அருள்மிகு கைலாசநாதர் திருக்கோயிலில் ரூபாய் 2.22 கோடி மதிப்பீட்டில் நடைபெற்று வரும் கோயிலின் திரி குளத்தை அமைச்சர் பி கே சேகர்பாபு பார்வையிட்டு ஆய்வு மேற்கொண்டு பணிகளை குறித்து அதிகாரிகளிடம் கேட்டு அறிந்தார்.
இதில் மாதவரம் சட்டமன்ற உறுப்பினர் மாதவரம் சுதர்சனம் , இந்து சமய அறநிலைத்துறை ஆணையர் ஸ்ரீதர் , இணை ஆணையர் ரேணுகாதேவி , கூடுதல் ஆணையர் சுகுமார் உள்பட இந்து சமய அறநிலை துறை அதிகாரிகள் கலந்து கொண்டனர்.
பின்னர் செய்தியாளர்களிடம் பேசிய அமைச்சர் பி கே சேகர் பாபு பேசியதாவது,
நேர்த்திக்கடன் செலுத்த வரும் பக்தர்கள் பயன்படுத்துகின்ற திருக்குளங்களை சீரமைப்பதற்கு தனி கவனம் செலுத்தி சுமார் 220 திருக்குளங்களை 120 கோடி ரூபாய் செலவில் தரம் உயர்த்தி சீரமைக்கும் பணிகள் மேற்கொண்டு வருகிறது.
அந்த வகையில் திருக்குளங்கள் சீரமைக்கும் பணி தொடர்ந்து நடைபெற்று வருகிறது.
அன்னதான கூடங்கள் பக்தர்கள் தங்கு விடுதி முடி காணிக்கை மண்டபம் திருத்தேர் கொட்டகை தங்கத்தேர்கள் வெள்ளித்தேர்கள் பாதுகாப்பு அனைத்திலும் தனி கவனம் செலுத்தி சிறப்பான வகையில் தெய்வ பக்தர்களுக்கு நேர்த்திக்கடன் ஏற்ற அனைத்து அடிப்படை வசதிகள் மேற்கொள்கின்ற ஆட்சியாக இந்த ஆட்சி விளங்குகிறது.
13 திருக்கோயில்களில் தெய்வத்திற்கு உபயோகம் இல்லாத தங்கங்களை மூன்று மண்டலமாக பிரித்து ஒவ்வொரு மண்டலமாக ஓய்வு பெற்ற நீதியரசர்கள் நியமிக்கப்பட்டு அரக்கு நீக்கி சொக்கத்தங்கமாக மாற்றுவதற்கு உண்டான பொதுமக்களுக்கு காண்பிக்கும் வகையில் வீடியோ பதிவு செய்து பணிகள் மேற்கொண்டு வருகிறார்கள்.
இதுவரை 13 கோயில்களில் தங்கங்கள் பிரிக்கப்பட்டுள்ளது ஏற்கனவே 10 கோயில்கள் பிரிக்கப்பட்ட தங்கங்கள் வைப்பு நிதிக்கு எடுத்துச் செல்லப்பட்டு 427 கிலோ வைப்பு நிதியில் வைக்கப்பட்டு ஆண்டுக்கு 5.5 கோடி வைப்பு தொகை வட்டியாக கிடைக்கிறது அந்த வட்டி தொகை அந்தந்த திருக்கோயிலின் திருப்பணிகளுக்கு பயன்படுத்தப்படுகிறது.
இந்த மாதம் 3 கோயில்களில் பிரிக்கப்பட்ட தங்கங்களை ஒன்றிய அரசு உருக்கு ஆலைக்கு அனுப்பி வைத்துள்ளோம். மாசாணி அம்மன் திருக்கோயில் 28 கிலோ தங்கம் திருச்சி மானசகர் 12 கிலோ தங்கம் பழனியில் 192 கிலோ தங்கம் உருக்கு ஆலைக்கு அனுப்பப்பட்டுள்ளது.
27ஆம் தேதி சமயபுரத்திலிருந்து 500 கிலோ அளவிற்கு தங்கத்தை மும்பையில் உள்ள உருக்கு ஆலைக்கு அனுப்பப்படும். தொடர்ந்து தங்கங்களை உருக்கும் பணி நடைபெற்றுக் கொண்டிருக்கிறது.
இதுவரை 23 திருக்கோயில்களில் தங்கங்கள் அரக்குகளை நீக்கி நீதிபதிகள் முன்னிலையில் பிரித்து வைக்கப்பட்டுள்ளது. 13 திருக்கோயில் தங்கங்கள் உருக்கு ஆலைகளுக்கு கொண்டு செல்லப்பட்டுள்ளது.
10 கோயில்களில் ஒடுக்கப்பட்ட தங்கங்கள் வைப்பு நிதியில் வைக்கப்பட்டுள்ளது.
திருப்போரூர் முருகன் கோயிலில் உண்டியலில் விழுந்த பக்தரின் iphone துறை விதிவிலக்கு இருக்கிறதா என்று சட்டப்படி ஆராய்ந்து சாத்தியக்கூறு இருந்தால் வழங்கப்படும் என தெரிவித்துள்ளார்.
லோகேஷ் தயாரிப்பில் உருவாகும் ‘மிஸ்டர் பாரத்’ படத்தின் ஃபர்ஸ்ட் லுக் போஸ்டர் வெளியீடு!