ஆவினில் இனி வரும் காலங்களில் உறுதியாக மாற்றத்தை பார்ப்பீர்கள் – அமைச்சர் மனோ தங்கராஜ்
சென்னையில் தமிழக பால்வளத்துறை அமைச்சர் மனோ தங்கராஜ் செய்தியாளர்களை சந்தித்து சொல்லியிருப்பதாவது, ஆவின் நிறுவனம் பால் உற்பத்தியாளர்கள் மற்றும் வாடிக்கையாளர்களுக்கு இடையே பாலமாக விளங்குகிறது.
ஆவின் நிறுவனத்தை மேம்படுத்துவதற்கு விவசாயிகளின் கோரிக்கைகள் மற்றும் கருத்துகள் கேட்கப்பட்டு, அதற்கான நடவடிக்கைகள் மேற்கொள்ளப்படும் . ஆவின் நிறுவனத்தினை மேம்படுத்துவதற்கு தடையாக உள்ள சவால்கள் மற்றும் பலவீனங்கள் குறித்து ஆய்வு செய்து வருகிறோம் என்றும் தமிழக பால்வளத்துறை அமைச்சர் மனோ தங்கராஜ் குறிப்பிட்டுள்ளார்.
ஆவின் நிறுவனத்தில் தினசரி பால் கையாளும் திறனை நாற்பது லட்சம் லிட்டரில் இருந்து எழுபது லட்சமாக உயர்த்த இந்த ஆண்டிற்குள் நடவடிக்கை எடுக்கப்படும் என்று கூறியுள்ளார். ஆவின் நிறுவனத்தில் தண்ணீர் பாட்டில் திட்டம் குறித்து அறிவிப்பு விரைவில் வெளியிடப்படும். ஆவினில் இனி வரும் காலங்களில் உறுதியாக மாற்றத்தை பார்ப்பீர்கள் என்று தமிழக பால்வளத்துறை அமைச்சர் மனோ தங்கராஜ் தெரிவித்துள்ளார்..