இசையமைப்பாளர் ஏ.ஆர்.ரகுமான், பிரித்விராஜின் ஆடு ஜீவிதம் படத்திற்காக ஹாலிவுட் விருது வென்றுள்ளார்.
தென்னிந்திய திரை உலகில் பிரபல நடிகராகவும் இயக்குனராகவும் பணியாற்றி வருபவர் பிரித்விராஜ். இவரது நடிப்பில் கடந்த மார்ச் மாதம் உலகம் முழுவதும் வெளியான படம் ஆடு ஜீவிதம்- GOAT LIFE. இந்த படத்தில் பிரித்விராஜுடன் இணைந்து அமலா பால் முக்கிய கதாபாத்திரத்தில் நடித்திருந்தார். பிளஸ்ஸி இயக்கியிருந்த இந்த படத்திற்கு ஏ ஆர் ரகுமான் இசையமைத்திருந்தார். உண்மை சம்பவத்தை மையமாக வைத்து சர்வைவல் படமாக வெளியான இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் வெற்றி பெற்றது. பிரித்விராஜன் நடிப்பு படத்திற்கு எப்படி பலம் தந்ததோ அதேபோல் ஏ ஆர் ரகுமானின் இசையும் இந்த படத்திற்கு மிகப்பெரிய பலம் கொடுத்தது. இந்நிலையில் அமெரிக்காவின் லாஸ் ஏஞ்சல்ஸில் நடைபெற்ற HOLLYWOOD MUSIC AND MEDIA AWARDS விழாவில் சிறந்த வெளிநாட்டு படத்திற்கான பிரிவில் ஆடு ஜீவிதம் படத்திற்காக சிறந்த பின்னணி இசைக்கான விருதினை ஏ ஆர் ரகுமான் வென்றுள்ளார். மேலும் ஏ ஆர் ரகுமான், இந்த விருதை பெரும் முதல் இந்தியர் என்ற பெருமையையும் பெற்றுள்ளார்.
உலக அளவில் புகழ்பெற்ற ஏ ஆர் ரகுமான் ஏற்கனவே ஆஸ்கர் விருது, தேசிய விருது என பல விருதுகளை அள்ளியிருக்கும் நிலையில் தற்போது இவருக்கு கிடைத்திருக்கும் இந்த ஹாலிவுட் விருது ரசிகர்கள் மத்தியில் இன்ப அதிர்ச்சியை தந்துள்ளது.