விஜய் சேதுபதி ‘லியோ’ படத்தில் நடிக்கவில்லை ஆனால் படத்தில் இருக்கிறார் என்று கூறப்படுகிறது.
லோகேஷ் கனகராஜ் இயக்கத்தில் விஜய் நடிப்பில் ‘லியோ’ திரைப்படம் உருவாகி வருகிறது. இந்தப் படத்தில் நடிகை த்ரிஷா கதாநாயகியாக நடிக்கிறார். மேலும் இந்தப் படத்தில் அர்ஜுன், சஞ்சய் தத் , மிஷ்கின் , பிரியா ஆனந்த் உள்ளிட்டோரும் நடிக்கின்றனர்.
இப்படத்தின் துணை கதை ஆசிரியரான ரத்னகுமார் சில நாட்களுக்கு முன்பு தனது ட்விட்டர் பக்கத்தில் விஜய் சேதுபதி விக்ரம் படத்தில் அணிந்திருந்த கண்ணாடியை வைத்து பதிவு ஒன்றை வெளியிட்டிருந்தார். அதை வைத்து பலர் சமூகவலைத்தளங்களில் விஜய் சேதுபதி லியோ படத்தில் நடிக்கிறார் என கருத்துக்கள் தெரிவித்து வந்தனர்.
“நான் லியோ படத்தில் நடிக்கவில்லை. ஏன் ரத்ன குமார் அந்த கண்ணாடியை வைத்து ட்விட்டரில் பதிவிட்டார் என எனக்கு தெரியவில்லை.” என்று இதுகுறித்து விஜய் சேதுபதி பேசியிருந்தார்.
இந்நிலையில் விஜய் சேதுபதி ‘லியோ‘ படத்தில் நடிக்கவில்லையாம் ஆனால் அவர் படத்தில் இருக்கிறாராம். எப்படி தெரியுமா, விக்ரம் படத்தில் கார்த்தியின் பேச்சு மட்டும் கேட்குமாறு கதாபாத்திரத்தை இடம்பெற வைத்திருந்தார் லோகேஷ்.
அதேபோல லியோ படத்தில் விஜய் சேதுபதி வாய்ஸ் மட்டும் கேட்குமாறு இருக்கும் என்று கூறப்படுகிறது. இதற்காக விஜய் சேதுபதி டப்பிங்கில் கலந்து கொண்டதாகவும் கோலிவுட் சினிமா வட்டாரங்கள் தெரிவிக்கின்றன.
எனவே ‘லியோ’ திரைப்படமும் லோகேஷ் சினிமாடிக் யூனிவெர்சின் கீழ் தான் வருகிறது என்று உறுதி ஆகிறது.