செல்வராகவன் இயக்கத்தில் உருவாகும் 7ஜி ரெயின்போ காலனி படத்தின் படப்பிடிப்பு விரைவில் நிறைவடைய இருப்பதாக தகவல் வெளியாகி உள்ளது.
கடந்த 2004 ஆம் ஆண்டு ரவி கிருஷ்ணா, சோனியா அகர்வால் ஆகியோரின் நடிப்பில் 7ஜி ரெயின்போ காலனி திரைப்படம் வெளியானது. இந்த படத்தை பிரபல இயக்குனர் செல்வராகவன் இயக்கியிருந்தார். எதார்த்தமான காதல் கதைக்களத்தில் வெளியான இந்த படம் இளைஞர்களை வெகுவாக கவர்ந்து வெற்றி படமாக அமைந்தது. இந்த வெற்றியைத் தொடர்ந்து பல வருடங்கள் கழித்து இயக்குனர் செல்வராகவன், 7ஜி ரெயின்போ காலனி 2 திரைப்படத்தை இயக்கி வருகிறார். இந்த படத்தில் ரவி கிருஷ்ணா கதாநாயகனாக நடிக்க அனஸ்வரா ராஜன் கதாநாயகியாக நடிக்கிறார். இப்படத்தினை ஸ்ரீ சூர்யா மூவிஸ் நிறுவனம் தயாரிக்கிறது. யுவன் சங்கர் ராஜா இதற்கு இசையமைக்கிறார். ராம்ஜி இதன் ஒளிப்பதிவு பணிகளை மேற்கொள்கிறார்.
இந்த படத்தின் படப்பிடிப்புகள் ஏற்கனவே சத்தமே இல்லாமல் தொடங்கி விறுவிறுப்பாக நடைபெற்று வருகிறது. அதன்படி இன்னும் இரண்டு வார படப்பிடிப்புகள் மட்டுமே மீதம் இருப்பதாகவும் விரைவில் இதன் ஒட்டுமொத்த படப்பிடிப்பும் நிறைவடைந்து விடும் எனவும் சொல்லப்படுகிறது. இதற்கிடையில் இந்த படத்தின் ஃபர்ஸ்ட் லுக் போஸ்டர் கடந்த ஜனவரி மாதம் வெளியாகி ரசிகர்கள் மத்தியில் எதிர்பார்ப்பை அதிகப்படுத்தியது என்பது குறிப்பிடத்தக்கது.