நடிகர் விஜய் கடைசியாக கோட் படத்தில் நடித்திருந்தார். அதைத்தொடர்ந்து ஜனநாயகன் திரைப்படத்தில் நடித்து வருகிறார். இந்த படத்தின் படப்பிடிப்புகள் பரபரப்பாக நடைபெற்று வருகிறது. 
இது ஒரு பக்கம் இருக்க, மற்றொரு பக்கம் நடிகர் விஜய், அரசியலிலும் பிசியாக இருந்து வருகிறார். ஆனாலும் நடிகர் விஜய் சினிமாவை விட்டு விலகப் போகிறார் என்ற தகவல் ரசிகர்களுக்கு அதிர்ச்சியை ஏற்படுத்தி உள்ளது. அதேசமயம் ரசிகர்களும் விஜய் சினிமாவை விட்டு சென்றால் என்ன அவருடைய 69 படங்களையும் மீண்டும் மீண்டும் போட்டு பார்ப்போம் என்று சமூக வலைதளங்களில் தங்களின் கருத்துக்களை தெரிவித்து வருகின்றனர். இந்நிலையில் தான் இந்த ஆண்டு ஜூன் மாதம் 22ஆம் தேதி விஜயின் பிறந்த நாளை முன்னிட்டு கத்தி திரைப்படம் மீண்டும் ரிலீஸ் செய்யப்பட இருக்கிறது என தகவல் கிடைத்திருக்கிறது.
கடந்த 2014 ஆம் ஆண்டு ஏ ஆர் முருகதாஸ் இயக்கத்தில் வெளியான திரைப்படம் தான் கத்தி. இந்த படத்தில் நடிகர் விஜய் இரட்டை வேடங்களில் நடித்திருந்தார். அவருடன் இணைந்து சமந்தா, சதீஷ் மற்றும் பலர் நடித்திருந்தனர். லவ், ஆக்சன், எமோஷனல் என அனைத்தும் கலந்த ஒரு பக்கா கமர்சியல் படமாக கொடுத்திருந்தார் ஏ ஆர் முருகதாஸ். இந்த படம் ரசிகர்கள் மத்தியில் இன்று வரையிலும் கொண்டாடப்பட்டு வருகிறது. இந்நிலையில் இப்படம் இந்த ஆண்டு நடிகர் விஜயின் பிறந்தநாளை முன்னிட்டு மீண்டும் வெளியாக இருக்கும் தகவல் ரசிகர்களுக்கு இன்ப அதிர்ச்சியை தந்துள்ளது.
ஏற்கனவே நடிகர் விஜயின் சச்சின் திரைப்படம் இந்த ஆண்டில் மீண்டும் ரிலீஸ் செய்யப்பட திட்டமிடப்பட்டுள்ளது என்பது குறிப்பிடத்தக்கது.