நடிகர் மாதவன், ரசிகர்கள் மத்தியில் சாக்லேட் பாயாக வலம் வந்தவர். அந்த வகையில் ஏராளமான பெண் ரசிகர்களை சேகரித்து வைத்துள்ளார். இவர் தமிழ், இந்தி உள்ளிட்ட மொழி படங்களில் பிசியாக நடித்து வருகிறார். இவர் ஒரு நடிகர் மட்டுமல்லாமல் இயக்குனரும் ஆவார். இவர் இயக்கியிருந்த ராக்கெட்ரி நம்பி விளைவு திரைப்படம் மாபெரும் வெற்றி படமாக அமைந்து பல விருதுகளையும் வென்றுள்ளது.
இந்நிலையில் மாதவன், டெஸ்ட் என்னும் படத்தில் நடித்து முடித்துள்ளார். இந்த படத்தில் மாதவனுடன் இணைந்து நயன்தாரா, சித்தார்த் உள்ளிட்டோர் நடித்துள்ளனர். தயாரிப்பாளர் சசிகாந்த் இந்த படத்தை இயக்கியுள்ளார். சமீபத்தில் இந்த படத்தின் படப்பிடிப்புகள் முழுவதும் நிறைவடைந்து ரிலீசுக்கு தயாராகி வருகிறது.
அதேசமயம் நடிகர் மாதவன் ஜோதிகாவுடன் இணைந்து சைத்தான் எனும் படத்தில் நடித்துள்ளார். டும் டும் டும் படத்திற்கு பிறகு 26 ஆண்டுகள் கழித்து மாதவன், ஜோதிகாவின் கூட்டணி இப்படத்தில் இணைந்துள்ளது. 
இந்த படத்தை விகாஸ் பால் இயக்கியுள்ளார். சமீபத்தில் படத்தின் டீசர் வெளியான நிலையில் இப்படம் வருகின்ற மார்ச் 8ம் தேதி வெளியாக இருப்பதாக அறிவிக்கப்பட்டுள்ளது. மேலும் சைத்தான் திரைப்படம் ஆனது பிளாக் மேஜிக் ஹாரர் கதைக்களத்தில் உருவாகியுள்ளது என்பது குறிப்பிடத்தக்கது.
அடுத்ததாக மாதவன் யாரடி நீ மோகினி, உத்தமபுத்திரன், திருச்சிற்றம்பலம் உள்ளிட்ட படங்களை இயக்கிய மித்ரன் ஆர் ஜவகர் இயக்கத்தில் அதிர்ஷ்டசாலி எனும் திரைப்படத்தில் நடித்து வருகிறார். இந்தப் படத்தின் படப்பிடிப்புகள் தற்போது விறுவிறுப்பாக நடைபெற்று வருகிறது. 
இவ்வாறு அடுத்தடுத்த படங்களில் பிசியாக நடித்து வரும் மாதவன் இந்த 2024 ஆம் ஆண்டில் ரசிகர்களுக்கு ட்ரிபிள் ட்ரீட் கொடுக்க இருக்கிறார். அதன்படி மாதவனின் சைத்தான், டெஸ்ட், அதிர்ஷ்டசாலி ஆகிய மூன்று திரைப்படங்களும் ஒரே ஆண்டில் அடுத்தடுத்து வெளியாக இருக்கிறதாம். சைத்தான் திரைப்படத்தின் ரிலீஸ் தேதி ஏற்கனவே அறிவிக்கப்பட்ட நிலையில் மற்ற படங்களின் ரிலீஸ் தேதியும் விரைவில் அறிவிக்கப்படும் என்று எதிர்பார்க்கப்படுகிறது.