நடிகர் மனோபாலா திடீரென காலமானதால் தமிழ் திரையுலகம் அதிர்ச்சியில் ஆழ்ந்துள்ளது.
தமிழ் சினிமாவில் பல படங்களில் நடித்து பிரபலமானவர் மனோபாலா. நடிகர் மட்டும் இல்லாமல் பல படங்களை இயக்கவும் செய்துள்ளார்.
காமெடி கதாபாத்திரங்களில் மக்கள் மனதில் நிலைத்து நின்ற சில நடிகர்களில் மனோபாலா மிகவும் முக்கியமானவர்.
தற்போது வரை மிகவும் ஆக்டிவாக பல படங்களில் அவர் நடித்து வந்தார். இந்நிலையில் திடீரென மனோபாலா காலமானாக செய்திகள் வெளியாகி உள்ளன.
அவருக்கு கல்லீரலில் பிரச்சனை ஏற்பட்டு அப்போலோ மருத்துவமனையில் சிகிச்சை பெற்று வந்தார்.
அதையடுத்து கடந்த 15 நாட்களாக வீட்டில் வைத்து அவர் சிகிச்சை அளிக்கப்பட்டு வந்தது. இந்நிலையில் அவர் தற்போது சிகிச்சை பலனின்றி உயிரிழந்துள்ளார். அவரது இல்லத்தில் வைத்து அவரது இறுதி சடங்குகள் நடைபெறும் என்று தெரிவிக்கப்பட்டுள்ளது.
மனோபாலா வின் மறைவு செய்தி கேட்டு தமிழக மக்கள் அதிர்ச்சி அடைந்துள்ளனர். அவரது மறைவிற்கு தமிழ் திரையுலக பிரபலங்கள் இரங்கல் தெரிவித்து வருகின்றனர்.