சிம்பு நடிக்கும் புதிய படத்தின் அதிகாரப்பூர்வ அறிவிப்பு வெளியாகி உள்ளது.
நடிகர் சிம்பு கடைசியாக பத்து தல திரைப்படத்தில் நடித்திருந்தார். இந்த படத்திற்கு பிறகு தேசிங்கு பெரியசாமி இயக்கத்தில் புதிய படம் ஒன்றில் நடிப்பதற்கு கமிட்டானார். ஆனால் இந்த படத்தின் அதிகாரப்பூர்வ அறிவிப்பு மட்டுமே வெளியானது படப்பிடிப்பு தொடங்கப்படவில்லை. உடனடியாக கமல்ஹாசனின் தக் லைஃப் திரைப்படத்தில் களமிறங்கினார் சிம்பு. இந்த படத்தின் படப்பிடிப்புகளும் ஏற்கனவே முடிவடைந்துவிட்டது. எனவே அடுத்ததாக நடிகர் சிம்புவின் புதிய படம் குறித்த அதிகாரப்பூர்வ அறிவிப்பு வெளியாகி உள்ளது. இந்த படத்தினை ஏஜிஎஸ் நிறுவனம் தயாரிக்க ஓ மை கடவுளே படத்தின் இயக்குனர் அஸ்வத் மாரிமுத்து இயக்கவுள்ளார். கமர்சியல் படமாக உருவாக இருக்கும் இந்த படம் தொடர்பான தகவல்கள் ஏற்கனவே வெளியான நிலையில் தற்போது புதிய போஸ்டருடன் அதிகாரப்பூர்வ அறிவிப்பை படக்குழு வெளியிட்டுள்ளது. இந்த போஸ்டரில் நடிகர் சிம்பு, தம் பட ஸ்டைலில் விரல்களை வைத்து போஸ் கொடுத்துள்ளார்.
Extremely happy to associate with our prestigious @Ags_production & My dear fan, the talented and youthful director @Dir_Ashwath for a terrific entertainer ❤🔥
Kattam Katti Kalakrom 🔥#VintageSTRmood #AGS27
#KalpathiSAghoram #KalpathiSGanesh #KalpathiSSuresh… pic.twitter.com/c9BSMTll0c— Silambarasan TR (@SilambarasanTR_) October 21, 2024
இந்த போஸ்டர் இணையத்தில் வைரலாகி வருகிறது. மேலும் இந்த படத்தின் படப்பிடிப்பு இந்த ஆண்டு இறுதிக்குள் அல்லது அடுத்த ஆண்டு துவக்கத்தில் தொடங்கப்படும் என்று சொல்லப்படுகிறது. அடுத்தது இந்த படத்திற்கு அனிருத், இசையமைப்பாளராக கமிட்டாகி இருக்கிறார் எனவும் தற்போதைய தகவல்கள் தெரிவிக்கின்றன. இருப்பினும் இனிவரும் நாட்களில் படத்தில் நடிக்கும் மற்ற நடிகர்கள் குறித்த விவரங்களும் வெளியாகும் என்று எதிர்பார்க்கப்படுகிறது.