இன்ஸ்டாவில் இணைந்த நடிகை நயன்தாரா! உயிர், உலக்- உடன் வீடியோ
இன்ஸ்டாவில் அதிகாரப்பூர்வ கணக்கை தொடங்கிய நடிகை நயன்தாரா தனது குழந்தைகளுடன் இருக்கும் வீடியோவை முதல் போஸ்ட்டாக பகிர்ந்துள்ளார்.
தமிழின் முன்னணி நடிகை நயன்தாரா ரசிகர்களுடன் தொடர்ந்து இணைப்பில் இருக்கும் விதமாக, பிரபல சமூல வலைதளமான இன்ஸ்டாகிராமில் இணைந்துள்ளார். நயன்தாரா இன்ஸ்டாகிராம் பக்கம் தொடங்கிய நிலையில் ரசிகர்கள் அதிகளவில் அவரது கணக்கை பின்தொடர தொடங்கியுள்ளனர்.
தென்னிந்திய திரையுலகில் நடிகர் ரஜினிகாந்த் உடன் நடித்த ‘சந்திரமுகி’ படத்தின் பிரமாண்ட வெற்றிக்குப் பிறகு, அவர் நடிப்பில் வெளியான அனைத்துப் படங்களும் வெற்றி படங்களாக அமைந்தன. ரஜினிகாந்த், விஜய், அஜித்,சூர்யா தெலுங்கில் சிரஞ்சீவி, பவன் கல்யாண் என முன்னணி நடிகர்களின் படங்களின் நாயகியாக மாறினார். நாளடைவில் தென்னிந்திய சினிமாவிமன் நம்பர் 1 நடிகையாக வலம் வந்தார்.
கதாநாயகன்களுக்கு சமமாக பெண் கதாப்பாத்திரங்களை மையமாக கொண்ட கதைகளில் அவர் நடித்த, மாயா, அறம், கோலமாவு கோகிலா உள்ளிட்ட படங்கள் ப்ளாக்பஸ்டர் படங்களாக வெற்றி பெற்றன. ஹீரோக்களுக்கு இணையாக நயன்தாராவிற்கென தனி மார்க்கெட் உருவானது. இதனால் அனைவராலும் லேடி சூப்பர்ஸ்டாராக கொண்டாடப்பட்டார் நயன்தாரா. 20 வருடங்களுக்கு மேலாக தென்னிந்திய திரையுலகின் முன்னணி நாயகியாக விளங்கி வரும் இவர், தற்போது பாலிவுட் ஷாருக்கானுக்கு ஜோடியாக ஜவான் படத்தில் நடித்து பாலிவுட்டில் கால் பதித்துள்ளார்.
https://www.instagram.com/nayanthara/
அட்லி இயக்கத்தில் பான் இந்திய திரைப்படமாக உருவாகியுள்ள ஜவான் வரும் செப்டம்பர் 7-ம் தேதி உலகமெங்கும் வெளியாகவுள்ளது. தற்போது தன் ரசிகர்களை மகிழ்விக்கும் விதமாக அவர்களுடன் தொடர்ந்து உரையாடும் நோக்கில் இன்ஸ்டாகிராமில் இணைந்துள்ளார். தனது அதிகாரப்பூர்வ இன்ஸ்டாகிராம் கணக்கில் நடிகர் ரஜினிகாந்தின் ஜெயிலர் படத்தின் ஹுக்கும் பாடலுக்கு நடந்து வரும் வீடியோ காட்சியை பதிவிட்டுள்ளார். இந்த நிலையில் ரசிகர்கள் அவரது கணக்கை பின் தொடர ஆரம்பித்துள்ளனர்.