Homeசெய்திகள்சினிமாஜூனியர் என்.டி.ஆர். நடிக்கும் 31-வது திரைப்படம்... நாயகியாக இணையும் ராஷ்மிகா... ஜூனியர் என்.டி.ஆர். நடிக்கும் 31-வது திரைப்படம்… நாயகியாக இணையும் ராஷ்மிகா…
ஜூனியர் என்டிஆர். நடிப்பில் இறுதியாக வெளியான திரைப்படம ஆர்.ஆர்.ஆர். ராஜமௌலி இயக்கிய இப்படம் உலகம் முழுவதும் வெளியாகி சுமார் ஆயிரம் கோடி ரூபாய்க்கு மேல் வசூலித்து பட்டையை கிளப்பியது. அதுமட்டுமன்றி ஆஸ்கர், கோல்டன் குளோப் என பெரும் பிரம்மாண்ட மற்றும் மதிப்பிற்குரிய அனைத்து விருதுகளையும் வென்றது. இப்படத்தின் வெற்றிக்கு பிறகு ஜூனியர் என்டிஆர் மற்று் ராம்சரண் நடிக்கும் அடுத்த படம் மீது எதிர்பார்ப்பு அதிகரித்துள்ளது.
இந்த படத்தைத் தொடர்ந்து நடிகர் ஜூனியர் என்டிஆர் கொரட்ட சிவாவுடன் தேவரா என்ற திரைப்படத்தில் இணைந்துள்ளார். இந்த படத்தில் பாலிவுட் நடிகை ஜான்வி கபூர் நாயகியாக நடிக்கிறார். படத்திற்கு அனிருத் இசை அமைக்கிறார். இதைத் தொடர்ந்து தனது 31-வது திரைப்படத்திலும் ஜூனியர் என்டிஆர் ஒப்பந்தமாகி இருக்கிறார். இத்திரைப்படத்தை பிரசாந்த் நீல் இயக்குகிறார்.
இவர் இறுதியாக பிரபாஸ் மற்றும் பிருத்விராஜை வைத்து சலார் திரைப்படத்தை இயக்கியிருந்தார். இத்திரைப்படம் ரசிகர்கள் மத்தியில் ஏகபோக வரவேற்பை பெற்றது. இத்திரைப்படத்தை தொடர்ந்து ஜூனியர் என்டிஆரை வைத்து புதிய படம் இயக்குகிறார். இப்படத்தில் கதாநாயகியாக ராஷ்மிகா மந்தனா நடிப்பதாக கூறப்படுகிறது. இது தொடர்பான அறிவிப்பு விரைவில் வௌியாகும் என்றும் எதிர்பார்க்கப்படுகிறது. மேலும், படப்பிடிப்பு வரும் ஆகஸ்ட் மாதம் தொடங்கவுள்ளதாகவும் தகவல் வெளியாகி உள்ளது.
