மாதவன் – ஜோதிகாவின் சைத்தான்…. மார்ச் மாதம் ரிலீஸ்….
மாதவன், ஜோதிகா மற்றும் அஜய் தேவ்கன் நடிக்கும் சைத்தான் திரைப்படம் வரும் மார்ச் மாதம் 8-ம் தேதி வௌியாகும் என படக்குழு அறிவித்துள்ளது.
நடிகர் மாதவன் தற்போது டெஸ்ட் படத்தில் நடித்து வருகிறார். இந்தப் படத்தில் சித்தார்த் மற்றும் நயன்தாரா ஆகியோரும் முன்னணிக் கதாபாத்திரங்களில் நடிக்கின்றனர். நடிகை மீரா ஜாஸ்மினும் இந்தப் படத்தில் இருக்கிறார். பல ஆண்டுகளுக்கு பிறகு அவர் மீண்டும் மாதவன் உடன் இணைந்து நடிக்கிறார். தமிழ்ப்படம், இறுதிச் சுற்று, விக்ரம் வேதா, மண்டேலா, ஜகமே தந்திரம் உள்ளிட்ட பல படங்களைத் தயாரித்த சசிகாந்த் இந்தப் படத்தின் மூலம் இயக்குனராக அறிமுகம் ஆகிறார்
இதனிடையே பாலிவுட்டில் மற்றொரு படத்தில் மாதவன் ஒப்பந்தமாகி நடித்து வந்தார். அதில், பிரபல தமிழ் நடிகை ஜோதிகாவும், பாலிவுட் பிரபலம் அஜய் தேவ்கனும் முக்கிய கதாபாத்திரத்தில் இணைந்துள்ளனர். இப்படத்தின் மூலம் சுமார் 25 ஆண்டுகளுக்கு பிறகு மீண்டும் ஜோதிகா பாலிவுட் பக்கம் திரும்பியிருக்கிறார். ஒரு சூப்பர்நேச்சுரல் த்ரில்லர் கதைக்களத்தில் இப்படம் உருவாகி இருக்கிறது. விகாஸ் பாஹ்ல் இத்திரைப்படத்தை இயக்கி உள்ளார்.
இத்திரைப்படத்திற்கு சைத்தான் என்று படக்குழு தலைப்பு வைத்துள்ளனர். இப்படம் வரும் மார்ச் மாதம் 8-ம் தேதி திரையரங்குகளில் வெளியாகும் என்று படக்குழு போஸ்டர் வெளியிட்டு அறிவித்துள்ளது.
