நடிகர் அஜித் விடாமுயற்சி படத்தின் டப்பிங் பணிகளை தொடங்கியுள்ளதாக தகவல் வெளியாகி இருக்கிறது.
நடிகர் அஜித் துணிவு திரைப்படத்திற்கு பிறகு தனது 62 ஆவது படமான விடாமுயற்சி திரைப்படத்தில் நடித்து வருகிறார். இந்த படமானது அடுத்த ஆண்டு பொங்கல் தினத்தை முன்னிட்டு திரைக்கு வர தயாராகி வருகிறது. இந்த படத்தினை லைக்கா நிறுவனம் தயாரிக்க மகிழ் திருமேனி இயக்கி வருகிறார். அனிருத் இந்த படத்திற்கு இசையமைக்கிறார். ஓம் பிரகாஷ் இதன் ஒளிப்பதிவு பணிகளை கவனிக்கிறார். இந்த படத்தில் அஜித்துக்கு ஜோடியாக திரிஷா நடிக்க படத்தில் வில்லனாக அர்ஜுன் நடிக்கிறார். மேலும் இவர்களுடன் இணைந்து ரெஜினா, ஆரவ் ஆகியோர் முக்கிய கதாபாத்திரங்களில் நடிக்கின்றனர். இந்த படத்தின் அடுத்தடுத்த போஸ்டர்களும் டீசர் வெளியாகி ரசிகர்கள் மத்தியில் பெரும் எதிர்பார்ப்பை ஏற்படுத்தி உள்ளது. அதே சமயம் இந்த படம் பிரேக் டவுன் என்ற ஹாலிவுட் படத்தை தழுவி உருவாக்கப்படுவதாகவும் சொல்லப்படுகிறது. 
அதன்படி இந்த படத்தின் படப்பிடிப்புகள் ஏற்கனவே அஜர்பைஜான் போன்ற பகுதிகளில் நடைபெற்று வந்த நிலையில் இன்னும் பத்து நாட்கள் படப்பிடிப்பு மட்டும் மீதம் இருக்கிறது. விரைவில் இந்த படப்பிடிப்பை நடத்த படக்குழு திட்டமிட்டு வருகிறது. இந்நிலையில் நடிகர் அஜித் விடாமுயற்சி படத்தின் டப்பிங் பணிகளை தொடங்கியுள்ளதாகவும் தற்போதைய தகவல்கள் தெரிவிக்கின்றன. மற்ற அப்டேட்டுகள் இனிவரும் நாட்களில் வெளியாகும் என எதிர்பார்க்கப்படுகிறது.