தல என்று ரசிகர்களால் கொண்டாடப்படும் அஜித் நடிப்பில் கடைசியாக துணிவு திரைப்படம் வெளியானது. 
இந்த படம் வெளியாகி ஓராண்டுக்கு மேல் ஆகிவிட்ட நிலையில் அஜித்தின் அடுத்த படம் இதுவரை வெளியாகவில்லை என ரசிகர்கள் பலரும் அதிருப்தியில் இருக்கின்றனர். இந்நிலையில் தான் அஜித் நடிப்பில் உருவாகி இருக்கும் விடாமுயற்சி திரைப்படம் பொங்கலுக்கு வெளியாகும் என ஏற்கனவே சமூக வலைதளங்களில் செய்திகள் பரவி வந்தது. ஆனால் அஜித்தின் குட் பேட் அக்லி திரைப்படமும் பொங்கலுக்கு வெளியாகும் என படக்குழு ஒவ்வொரு போஸ்டர்களிலும் குறிப்பிட்டு வருகிறது. ஆகையினால் இரண்டு படங்களுமே ஒரே நாளில் அதாவது பொங்கலுக்கு வெளியாகுமா? என்ற சந்தேகம் ரசிகர்கள் மத்தியில் இருந்து வந்தது.
ஆனால் தற்போது விடாமுயற்சி படத்தின் இசை அமைப்பாளர் அனிருத் சமீபத்தில் நடந்த பேட்டி ஒன்றில் விடாமுயற்சி திரைப்படம் பொங்கலுக்கு வெளியாக வாய்ப்பு இருக்கிறது என கூறி படம் தொடர்பான அப்டேட்டை கொடுத்துள்ளார். இந்த தகவல் ரசிகர்கள் மத்தியில் பெரும் உற்சாகத்தை ஏற்படுத்தியுள்ளது. இருப்பினும் அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.
அஜித் நடிப்பில் உருவாகும் விடாமுயற்சி திரைப்படத்தை மகிழ் திருமேனி இயக்கியிருக்கிறார். லைக்கா நிறுவனம் இந்த படத்தை தயாரிக்கிறது. ஏற்கனவே இந்த படத்தின் அடுத்தடுத்த போஸ்டர்கள் வெளியாகி நல்ல வரவேற்பை பெற்றுள்ளது. படப்பிடிப்புகளும் ஏறத்தாழ நிறைவடைந்துள்ளது என்பது குறிப்பிடத்தக்கது.