அஜித்தின் விடாமுயற்சி பட டீசர் தீபாவளிக்கு வெளியாகும் என தகவல் கசிந்துள்ளது.
நடிகர் அஜித் துணிவு திரைப்படத்திற்கு பிறகு தனது 62 ஆவது படமான விடாமுயற்சி திரைப்படத்தில் நடித்திருக்கிறார். இந்த படத்தினை மீகாமன், தடம், தடையற தாக்க உள்ளிட்ட படங்களை இயக்கிய மகிழ் திருமேனி இயக்குகிறார். லைக்கா நிறுவனத்தின் தயாரிப்பிலும் அனிருத் இசையிலும் உருவாகும் இந்தப் படத்திற்கு ஓம் பிரகாஷ் ஒளிப்பதிவு செய்கிறார். இந்த படத்தில் அஜித்துக்கு ஜோடியாக திரிஷாவும் வில்லனாக அர்ஜுனும் நடிக்கின்றனர். மேலும் ரெஜினா, ஆரவ் போன்றோரும் முக்கிய கதாபாத்திரங்களில் நடிக்கின்றனர். கடந்த ஆண்டிலேயே இந்த படத்தின் அறிவிப்பு வெளியாகி அதன் பின்னர் படப்பிடிப்புகளும் தொடங்கப்பட்டது. அதன்படி அஜர்பைஜான், ஐதராபாத் போன்ற பகுதிகளில் படப்பிடிப்பு நடத்தப்பட்டது. மேலும் ஒரு பாடல் காட்சி ஒன்று மட்டும் படமாக்கப்பட இருப்பதாக சொல்லப்படுகிறது. எனவே இந்த படத்தின் படப்பிடிப்பு கிட்டத்தட்ட நிறைவடைந்துள்ளதாக சொல்லப்படுகிறது. ஆகையினால் படமானது எப்போது ரிலீஸ் ஆகும்? என்று ரசிகர்கள் பலரும் கேள்வி எழுப்பி வருகின்றனர். 
இந்நிலையில் விடாமுயற்சி படத்தின் டீசர் தயாராகிவிட்டதாகவும் விரைவில் டீசர் வெளியாகும் எனவும் ஏற்கனவே தகவல் கசிந்து இருந்தது. தற்போது கிடைத்த தகவல் என்னவென்றால், வருகின்ற அக்டோபர் 31 தீபாவளி தினத்தை முன்னிட்டு விடாமுயற்சி படத்தின் டீசர் வெளியாகும் என புதிய அப்டேட் வெளிவந்துள்ளது. இந்த தகவல் அஜித் ரசிகர்களுக்கு இன்ப அதிர்ச்சியை தந்துள்ளது. மேலும் இது தொடர்பான அறிவிப்பு எதுவும் வெளியாகாமல் தீபாவளி தினத்திற்கு முதல் நாளோ அல்லது தீபாவளி தினத்திலோ எந்த நேரத்தில் வேண்டுமானாலும் வெளியாகலாம் எனவும் இது ரசிகர்களுக்கு சர்ப்ரைஸ் ஆக இருக்கும் எனவும் தற்போதைய தகவல்கள் தெரிவிக்கின்றன.